भोजपुरी अभिनेत्री आकांक्षा दुबेच्या आत्महत्या प्रकरणी विविध खुलासे होताना दिसत आहे. आकांक्षा दुबेने रविवारी २६ मार्च रोजी वाराणसी इथं हॉटेलमध्ये गळफास घेऊन जीवन संपवलं. तिच्या आत्महत्येस भोजपुरी गायक समर सिंह याला कुटुंबाने जबाबदार ठरवलं आहे. त्याच्याविरोधात पोलिसांनी तक्रार दाखल केली आहे. आता तपासादरम्यान आणखी एक धक्कादायक माहिती समोर आली आहे. आकांक्षा दुबे आत्महत्या प्रकरणाचे गूढ दिवसेंदिवस वाढत चालले आहे. काही दिवसांपूर्वी आकांक्षाचा शवविच्छेदन अहवाल समोर आला होता. त्यानंतर आकांक्षाचे वकील शशांक शेखर त्रिपाठी यांनी पोलिसांवर अनेक गंभीर आरोप केले होते. त्यानंतर आता तिच्या वकिलांनी आणखी एक खुलासा केला आहे. आकांक्षाने मृत्यूपूर्वी तिच्या मित्रांसोबत ब्रेकअप पार्टी साजरी केली होती, असा दावा शशांक त्रिपाठी यांनी केला आहे.आणखी वाचा : Video : आकांक्षा दुबेने आत्महत्या करण्यापूर्वी केलेले इन्स्टाग्रामवर लाईव्ह, ढसाढसा रडून झालेली ‘अशी’ अवस्था "आकांक्षाने या ब्रेकअप पार्टीसाठी ११ हजार रुपये खर्च केले होते. या पार्टीचे संपूर्वी बिलही आकांक्षानेच भरले. ती एका पबमधून बाहेर पडत असल्याचे सीसीटिव्ही फुटेजही समोर आले आहे. त्यात ती या पबमधून बाहेर पडताना दिसत आहे. आकांक्षाच्या शवविच्छेदन अहवालात तिच्या पोटात अन्नाचा कण नव्हता, असा उल्लेख करण्यात आला आहे. याचा अर्थ मृत्यूपूर्वी तिने काहीही खाल्ले नव्हते", असेही त्यांनी म्हटले. आणखी वाचा : प्रसिद्ध इन्स्टा स्टारच्या व्हायरल अश्लील व्हिडीओ प्रकरणीच्या ‘त्या’ पोस्टवर मराठी अभिनेत्याची कमेंट, म्हणाला “देव तुला…” दरम्यान आकांक्षा दुबेने २६ मार्च रोजी वाराणसीतील एका हॉटेलमध्ये गळफास घेत आत्महत्या केली. तिच्या आत्महत्येस भोजपुरी गायक समर सिंह जबाबदार असल्याचा दावा कुटुंबियांनी केला आहे. आकांक्षाच्या मृत्यूनंतर समर सिंह आणि त्याचा भाऊ बेपत्ता आहेत. सध्या पोलीस या दोघांचा शोध घेत आहेत.
