मागच्या काही वर्षांमध्ये बॉलिवूड चित्रपटामध्ये बरेच बदल झाले आहेत. आता पूर्वीप्रमाणे लव्ह स्टोरी पाहिल्या जात नाही. त्यापेक्षा एखाद्या विशिष्ट विषयावर आधारित असलेले चित्रपट उत्तम चालत असल्याचं पाहायला मिळतं. ज्या मुद्द्यांवर बोलण्याची लोकांना लाज वाटते किंवा ज्यावर बोलणं टाळलं जातं अशा विषयांवर चित्रपट निर्मिती करण्याचं प्रमाण आता बॉलिवूडमध्ये वाढलं आहे. त्यामुळे थोडं वेगळेपण असलेली भूमिका साकारताना कलाकारही मागे पुढे पाहत नाहीत. असंच काहीसं भूमी पेडणेकरचा आगामी चित्रपट ‘बधाई दो’च्या बाबतीत घडलं आहे. या चित्रपटात भूमी एका लेस्बियन मुलीच्या भूमिकेत दिसणार आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

काही दिवसांपूर्वीच ‘बधाई दो’चा ट्रेलर प्रदर्शित झाला आणि या चित्रपटाची सोशल मीडियावर चर्चा होऊ लागली. विशेषतः या चित्रपटातील भूमी पेडणेकरच्या भूमिकेविषयी सोशल मीडियावर बोललं गेलं. आता नुकत्याच दिलेल्या एका मुलाखती भूमीनं तिच्या या भूमिकेविषयी सांगितलं आहे. या सोबतच ही भूमिका साकारण्यामागचं कारणही तिनं स्पष्ट केलं आहे.

आणखी वाचा

‘इंडिया टुडे’ला दिलेल्या मुलाखतीत आपल्या लेस्बियन भूमिकेविषयी बोलताना भूमी म्हणाली, ‘मी जेव्हा चित्रपटाला होकार दिला तेव्हा माझ्या मनात कोणतीच शंका नव्हती. मी एक अभिनेत्री आहे आणि या चित्रपटात मी एक वेगळी भूमिका साकारत आहे. मग या भूमिकेसारख्या असलेल्या लोकांनीच ती भूमिका का साकारावी? मी खूप मेहनत घेतली आहे. माझ्याकडे कौशल्य आहे, तर मग मी ही भूमिका का साकारू नये? असा विचार माझ्या मनात आला. त्यामुळेच भूमिका साकारण्याचा निर्णय घेतला.’

दाक्षिणात्य चित्रपटसृष्टीतील विषय हे बॉलिवूडपेक्षा चांगले आहेत असं वाटतं का? असा प्रश्न विचारल्यावर भूमी म्हणाली, ‘मला असं वाटत नाही. कारण आज आपली बॉलिवूड इंडस्ट्री पॅन इंडियन झाली आहे. असे बरेच हिंदी चित्रपट आहेत ज्यांनी दाक्षिणात्य चित्रपटसृष्टीतही कमाल केली आहे. त्यामुळे हिंदी चित्रपटांबद्दल असं बोलणं चुकीचं ठरेल.’

दरम्यान भूमी पेडणेकर आणि राजकुमार राव यांच्या मुख्य भूमिका असलेला ‘बधाई दो’ येत्या ११ फेब्रुवारीला चित्रपटगृहात प्रदर्शित होणार आहे. चित्रपटाचं दिग्दर्शन हर्षवर्धन कुलकर्णीनं केलं असून प्रेक्षकांमध्ये या चित्रपटाबाबत बरीच उत्सुकता आहे.

काही दिवसांपूर्वीच ‘बधाई दो’चा ट्रेलर प्रदर्शित झाला आणि या चित्रपटाची सोशल मीडियावर चर्चा होऊ लागली. विशेषतः या चित्रपटातील भूमी पेडणेकरच्या भूमिकेविषयी सोशल मीडियावर बोललं गेलं. आता नुकत्याच दिलेल्या एका मुलाखती भूमीनं तिच्या या भूमिकेविषयी सांगितलं आहे. या सोबतच ही भूमिका साकारण्यामागचं कारणही तिनं स्पष्ट केलं आहे.

आणखी वाचा

‘इंडिया टुडे’ला दिलेल्या मुलाखतीत आपल्या लेस्बियन भूमिकेविषयी बोलताना भूमी म्हणाली, ‘मी जेव्हा चित्रपटाला होकार दिला तेव्हा माझ्या मनात कोणतीच शंका नव्हती. मी एक अभिनेत्री आहे आणि या चित्रपटात मी एक वेगळी भूमिका साकारत आहे. मग या भूमिकेसारख्या असलेल्या लोकांनीच ती भूमिका का साकारावी? मी खूप मेहनत घेतली आहे. माझ्याकडे कौशल्य आहे, तर मग मी ही भूमिका का साकारू नये? असा विचार माझ्या मनात आला. त्यामुळेच भूमिका साकारण्याचा निर्णय घेतला.’

दाक्षिणात्य चित्रपटसृष्टीतील विषय हे बॉलिवूडपेक्षा चांगले आहेत असं वाटतं का? असा प्रश्न विचारल्यावर भूमी म्हणाली, ‘मला असं वाटत नाही. कारण आज आपली बॉलिवूड इंडस्ट्री पॅन इंडियन झाली आहे. असे बरेच हिंदी चित्रपट आहेत ज्यांनी दाक्षिणात्य चित्रपटसृष्टीतही कमाल केली आहे. त्यामुळे हिंदी चित्रपटांबद्दल असं बोलणं चुकीचं ठरेल.’

दरम्यान भूमी पेडणेकर आणि राजकुमार राव यांच्या मुख्य भूमिका असलेला ‘बधाई दो’ येत्या ११ फेब्रुवारीला चित्रपटगृहात प्रदर्शित होणार आहे. चित्रपटाचं दिग्दर्शन हर्षवर्धन कुलकर्णीनं केलं असून प्रेक्षकांमध्ये या चित्रपटाबाबत बरीच उत्सुकता आहे.