..म्हणून भूमी पेडणेकरने दिशा पटानीला म्हटलं ‘कच्चा लिंबू’

यावेळी भूमीने ती यशराज फिल्म्समध्ये कास्टिंग डायरेक्टर असतानाचा एक भन्नाट किस्सा सांगितला. त्यावेळी राजकुमार राव, रणवीर सिंग, परिणीती चोप्रा, क्रिती सनॉन आणि दिशा पटानी यांचे ऑडिशन घेतल्याचं तिने सांगितलं. ‘या ऑडिशनमध्ये मला जे जे ठीक वाटले ते पुढे गेले. राजकुमार राव ठिकठाक वाटला तर परिणीती अव्वल होती,’ असं तिने सांगितलं. त्यावर ऑडिशनमध्ये ज्यांना तू नापास केलंस आणि ते आज बॉलिवूडमध्ये आहेत असे कोण असा प्रश्न करणने तिला विचारला. त्यावर भूमीने थेट दिशा पटानीचं नाव घेतलं. ‘सुरुवातीच्या काळात दिशा कच्चा लिंबू होती,’ अशी टिप्पणी तिने केली.

See more

दिशा पटानीने २०१६ मध्ये ‘एम एस धोनी : द अनटोल्ड स्टोरी’ या चित्रपटातून बॉलिवूडमध्ये पदार्पण केलं. त्यानंतर ‘बागी २’मध्ये ती झळकली. आगामी ‘भारत’ या सलमान खानच्या चित्रपटातही दिशाची महत्त्वपूर्ण भूमिका आहे.