छोट्या पडद्यावरली लोकप्रिय शो ‘बिग बॉस 15’ला सुरू होऊन दोन दिवससुद्धा झाले नाहीत, तर बिग बॉसचे चाहते शोमध्ये घडणाऱ्या घटनांना पूर्व-नियोजित आहेत, असे लेबल लावताना दिसले. ‘बिग बॉस १५’ च्या पहिल्या दोन दिवसातच घरातील सदस्य प्रतीक सेजपाल आणि मायशा अय्यरमध्ये जोरदार भांडणा झाल्याचे पाहायला मिळाले. त्यांचे भांडण पाहून हे सगळं स्क्रिप्टेड असल्याचा दावा नेटकरी करताना दिसले.
होस्ट सलमान खानने शनिवारी २ ऑक्टोबर रोजी ‘बिग बॉस’ च्या १५ व्या सीझनचा आरंभ केला. खेळाच्या नियमानुसार, फक्त ‘बिग बॉस ओटिटि’ चे स्पर्धक शमिता शेट्टी, प्रतीक सेजपाल आणि निशांत भट्ट बिग बॉसच्या घरातील वस्तूंचा वापर करु शकतात आणि तेच ठरवतील की कोणते स्पर्धक बिग बॉसच्या घरात जातील आणि कोण नाही. तर इतर स्पर्धकांना घराच्या बाहेर अंगणात राहावे लागणार आहे.
सोमवारच्या एपिसोडमध्ये, मायशाला तिच्या शॉर्ट ड्रेसखाली स्लॅक्स घालायची होती. त्यावेळेस तिचा एक्स बॉयफ्रेंड प्रतीकने तिला बाथरूम वापरायची परवानगी दिली नाही. यावर कोणत्याही प्रकारचा वाद न घालता तिने लगेज एरियात एका कोपऱ्यात चेंज करण्याचा निर्णय घेतला. त्यालाबद्दल तिने प्रतीकला माहिती दिली होती. तरी ही प्रतीक तिकडे येत असल्याचा दावा मायशाने केला, यानंतर तिकडे उपस्थित असलेल्या स्पर्धकांनी प्रतीकला दोष देत त्याच्या कॅरेक्टर विषयी बोलायला सुरूवात केली. यावर प्रतीक चिडून ‘माझ्या कॅरेक्टरबद्दल बोलू नका,’ असे उत्तर देताना दिसला. नंतर शमीता तिकडे येऊन प्रतीकला सपोर्ट करत त्याचा असा कोणताही हेतु नसल्याचे सांगताना दिसली.
हे ही वाचा- ‘बिग बॉसची चावडीच डबल ढोलकी’, भावाला सपोर्ट करणाऱ्या ‘या’ पोस्टमुळे आदर्श शिंदे झाला ट्रोल
शमिताने घरच्यांना समजावल्या नंतर करण आणि जयने, मायशा प्रतीकला एकमेकांची माफी मागायला सांगितली. बिग बॉसच्या फॅन्सना प्रतीक आणि मायशामध्ये झालेला हा वाद एक नाटक असल्याचे वाटत आहे. एका युजरने लिहिले, “मला वाटते की #प्रतीकसेजपाल आणि #मायशा अय्यर दोघांनी पूर्वनियोजित केले आहे. हे पूर्णपणे बनावट आहे आणि विनाकारण ते ताणत आहेत !! ”
दुसऱ्या युजरने लिहिले,” #प्रतीकसेजपाल आणि त्याची एक्स गर्लफ्रेंड #मायशा अय्यर मधील वाद आधीपासून ठरलेला होता. #BB 15 या गोष्टींचा आता प्रेक्षकांना कंटाळा आला आहे.”
‘बिग बॉस १५’ शोचे सूत्रसंचालन बॉलिवूड अभिनेता सलमान खान करताना दिसेल. या पर्वाची खासियत म्हणजे बॉलिवूडच्या लोकप्रिय अभिनेत्री रेखा या शोमध्ये एक खास भूमिका बजावणार आहेत. ‘विश्वसुंतरी’ ही भूमिका त्या निभावताना दिसतील. मीडिया रिपोर्टनुसार यंदाची थीम जंगलावर आधारित असल्याने जंगलातील घरातच स्पर्धकांना राहवं लागेल. त्यामुळे स्पर्धकांपुढे अनेक नवीन आव्हानं असतील.
