Bigg Boss 15: घरातील वातावरण तापलं; जय भानुशालीने आईवरून शिवी दिल्यानंतर प्रतीकने स्वत:लाच…

यावेळी, शमिताला पाय धरून खेचण्यात आला आणि यावर प्रतीक म्हणाला की तिला दुखापत झाली पाहिजे या हेतूनेच त्यांनी तिला धरले होते. मात्र, तेजस्वी म्हणाली की “जंगलवासी असलेली मुलं असं नाही करणार.” यात प्रतीक आणि जयमध्ये वाद होतो. प्रतीक जयला बोलतो की “शमिताला गंभीर दुखापत झाली आहे आणि जर तो बाहेर असता तर त्यांने जयला अद्दल घडवली असती.” यावर संतापलेला जय प्रतीकला बोलतो की “जर हिंमत असेल तर मला हात लावून दाखव.” तेव्हा जय प्रतीकला आईवरून शिवी देतो आणि त्यानंतर भांडण सुरु होतं.

आणखी वाचा : समीर वानखेडेंच्या करिअरमागे आहे ‘या’ जवळच्या व्यक्तीचा हात, पत्नी क्रांतीने केला खुलासा

प्रतीक रागात जयला बोलतो की शिवीगाळ करू नकोस. मात्र, जय तिथेच थांबत नाही तर तो प्रतीकसमोर येऊन मारण्यास प्रवृत्त करण्याचा प्रयत्न करतो. प्रतीक जयला अशिक्षित बोलतो. यानंतर प्रतीक स्वत:वरचे नियंत्रण गमावतो, खाली बसतो आणि रडतो त्यानंतर स्वत:च्या कानशिलेत लगावू लागतो.

आणखी वाचा : अमिताभनं आता तरी निवृत्ती घ्यावी, सलीम खानांचा प्रेमळ सल्ला

शमिता प्रतीकला समजवण्याचा प्रयत्न करते. त्यानंतर विशाल कोटियन देखील प्रतीकला समजवतो आणि बोलतो की जर तू मला भाऊ मानत अशील तर माझं ऐकशील. मात्र, प्रतीक थांबत नाही आणि स्वत:च्या कानशिलेत लगावतो आणि रडतो. तर भावनिकतदृष्ट्या खचलेला प्रतीक बोलतो की तो शोमधून बाहेर जाण्यासाठी तयार आहे.