छोट्या पडद्यावरील ‘बिग बॉस मराठी’ हा शो लोकप्रिय शोपैकी एक आहे. सध्या ‘बिग बॉस मराठी’चे ३ पर्व सुरु आहे. ‘बिग बॉस मराठी’ सुरु झाल्यापासून प्रेक्षकांना सतत स्पर्धकांमध्ये वाद पाहायला मिळाले आहेत. प्रत्येक आठवड्याला एक वेगळा टास्क आपल्याला पाहायला मिळतो. या दरम्यान, स्पर्धक मीरा आणि सोनालीमध्ये हाणामारी झाल्याचे दिसत आहे.
शोचा प्रोमो कलर्स मराठीच्या अधिकृत इन्स्टाग्राम अकाऊंटवरून शेअर करण्यात आला आहे. नुकत्याच समोर आलेल्या प्रोमोत आज टास्कमध्ये मीरा आणि सोनालीमध्ये मोठं भांडण झालं आहे. मीरा आणि सोनालीमध्ये हाणामारी का झाली? हे आजच्या भागामध्ये समजेलच पण, मीरा असं देखील म्हणताना दिसणार आहे की, ‘बिग बॉस मला हिच्यापासून धोका आहे.’ त्यावर विकास म्हणाला, ‘सोनाली ती नाटक करते आहे धरून ठेव तिला.’ त्यावर जय चिडून म्हणाला, ‘तू शांत बसं विकास.’ मीरा पुढे बोलते, ‘आईशप्पथ सांगते आहे, बिग बॉस प्लीस थांबवा. नाहीतर ही गेली आज.’
आणखी वाचा : करिश्मा कपूरने सांगितला ‘त्या’ किंसिंग सीन शूट दरम्यानचा किस्सा
आणखी वाचा : आई बंगाली आणि वडील जर्मन मग मुस्लीम आडनाव का लावते दिया मिर्झा?
दरम्यान, या आधी विशाल आणि विकासमध्ये मतभेद झाले तर दुसरीकडे सोनाली आणि विकासमध्ये बाचाबाची झाली. ज्यामध्ये सोनालीने विकासवर आरोप केला की ‘तू माझ्यासाठी खेळला नाहीस. यापुढे ती असे देखील म्हणाली की, ‘मी तुझ्यासाठी नक्की खेळणार.’ काल कॅप्टन्सीच्या उमेदवारीसाठी एकही सदस्य निवडला गेला नाही. कारण, दोन्ही टीममधील मतभेद आणि मारामारी दादूस, सोनाली, गायत्री, विकास सगळे सदस्य कॅप्टन्सीची उमेदवारी मिळवण्यास अयशस्वी ठरले.
