Bigg Boss Marathi : मेघा, पुष्कर की सई; कोण ठरणार विजेता?

बिग बॉस मराठीच्या विजेतेपदाची प्रमुख दावेदार मानली जाणारी रेशम टिपणीस घरातून बाहेर पडली. तिच्यानंतर आणखी एक सदस्य घराबाहेर जाण्याची शक्यता वर्तवली जात होती. मात्र, सहा जण अंतिम फेरीपर्यंत ठेवण्याची घोषणा करत बिग बॉसने सर्वांनाच आश्चर्याचा धक्का दिला.

आणखी वाचा

सामाजिक काम करणाऱ्यांना आपलेसे करा!

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

लक्षवेधी लढत : यशोमती ठाकूर यांच्यासमोर भाजपचे आव्हान

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

बुलढाण्यात संजय गायकवाड यांच्यासमक्ष जयश्री शेळकेंचे तुल्यबळ आव्हान; कोण बाजी मारणार?

बिग बॉसमध्ये जाण्याचा निर्णय योग्य होता का? जान्हवी किल्लेकर म्हणाली, “तसंही महाराष्ट्र मला खलनायिका…”

तासगावच्या विकासासाठी साथ द्या – रोहित पाटील

“बघा माझ्या लेकाने काय केलंय…”, हातात बिग बॉसची ट्रॉफी बघून वडिलांची ‘अशी’ असती प्रतिक्रिया; सूरज चव्हाण म्हणाला…

पुष्कर जोग हा बिग बॉस मराठीच्या घरातील सर्वांत लोकप्रिय स्पर्धक आहे असं म्हणायला हरकत नाही. पुष्करचं आजवर घरातील एकंदर वागणं पाहता तो नेहमीच प्रेक्षकांच्या आवडत्या स्पर्धकांच्या यादीत राहिला आहे. तर दुसरीकडे आस्ताद काळेचं गूढ वागणं प्रेक्षकांना पेचात पाडणारं आहे. त्याचा गर्विष्ठपणा आणि इतर मुद्दे पाहता त्याची जिंकण्याची शक्यता इतर स्पर्धकांच्या तुलनेत कमीच आहे.

प्रवास होता खडतर परंतू ज्याने पार केला बेहत्तर, नाव त्याचंच होणार जगभर… पाहायला विसरू नका, #BiggBossMarathi Finale 22 जुलै संध्या. 7 वा. फक्त #ColorsMarathi वर.@AastadKale @SmitaGondkar @meghadhade @jogpushkar #SaiLokur #SharmishthaRaut pic.twitter.com/pfsMOCD9zT

— Colors Marathi (@ColorsMarathi) July 19, 2018

वाचा : मिलिंद-अंकिता सोमण दिसणार ‘बिग बॉस’च्या नव्या पर्वात?

बिग बॉस मराठीत सुरुवातीपासूनच चर्चेत राहिलेली आणि लोकप्रिय ठरलेली अभिनेत्री म्हणजे मेघा धाडे. बिग बॉसमध्ये येण्यापूर्वी मेघाची फार अशी ओळख नव्हतीच. बिग बॉसमुळे ती घराघरांत पोहोचली असं म्हटलं तरी वावगं ठरणार नाही. घरातील तिचं वागणं, तिचं व्यक्तिमत्त्व याची दाद प्रेक्षक देत असून सोशल मीडियावरही तिचा चाहता वर्ग वाढला आहे. त्यामुळे मेघा विजेतीपदाची प्रमुख दावेदार मानली जात आहे.
सई लोकूर, स्मिता गोंदकर आणि शर्मिष्ठा राऊत या तिघींपैकी सई सर्वाधिक लोकप्रिय स्पर्धक ठरली आहे. सईचा घरातील वावर आणि तिची खेळी यांमुळे ती नेहमीच चर्चेत राहिली. तर दुसरीकडे स्मिता अंतिम फेरीपर्यंत पोहोचणार याची शक्यता फार कमी होती. शर्मिष्ठा वादांपासून दूर राहत नेहमीच घरात लोकप्रिय ठरण्याचा प्रामाणिक प्रयत्न करत राहिली. त्यामुळे आता या तिघांमध्येही चढाओढ आहे.

मेघा, पुष्कर, सई, आस्ताद, स्मिता, सई आणि शर्मिष्ठा या सहा जणांपैकी कोण विजेता ठरणार हे पाहणं औत्सुक्याचं ठरणार आहे.