छोट्या पडद्यावरील अतिशय लोकप्रिय आणि तितकाच वादग्रस्त शो ‘बिग बॉस मराठी’चा तिसरा सिझन वेगवगेळ्या कारणांमुळे सतत चर्चेत आहे. या आठवड्याच्या ‘हल्लाबोल’ टास्कमध्ये उत्कर्ष संचालकाच्या भूमिकेत होता. टास्कदरम्यान त्याने पक्षपात केल्याबद्दल विकेण्डला बिग बॉसच्या चावडीवर महेश मांजरेकर उत्कर्ष शिंदेची शाळा घेताना दिसले. त्यानंतर उत्कर्षचा भाऊ आदर्श शिंदे त्याला सपोर्ट करताना दिसला आहे. आदर्शने त्याच्या सोशल मीडियावर एक भली मोठी पोस्ट शेअर करत भावाला सपोर्ट केला आहे. या पोस्टमध्ये ‘बिग बॉस मराठी’ ला डबल ढोलकी असे म्हटले आहे. त्याच्या या पोस्टमुळे नेटकरी त्याच्यावर सांतापलले असून आदर्श सोशल मीडियावर ट्रोल होत आहे.
आदर्शने सोशल मीडियवार एक पोस्ट शेअर करत शोमध्ये घडलेल्या प्रकाराबद्दल त्याचे मत मांडले आहे. “सुरवातीला उत्कर्ष शिंदे याचे विचार विशाल या स्पर्धका सोबत पटत नव्हते. तरीही त्याने विशालचा वापर कॅप्टनसीसाठी केला. याचा राग चावडीला आला आणि उत्कर्ष डबल गेम खेळतोय म्हणजेच डबल ढोलकी आहे असा अर्थ काढण्यात आला”, अशा आशयाची मोठी पोस्ट त्याने शेअर केली आहे.
पहा पोस्ट-
नेटकऱ्यांनी केलं ट्रोल –
टास्कदरम्यान नेमक काय झालं?
गेल्या आठवड्यात सपर्धकांना ‘हल्लाबोल’ हा टास्क देण्यात आला होता. या टास्कच्या वेळेस संचालक, कॅप्टन उत्कर्ष एकाच गटाच्या बाजूने निर्णय घेत असल्याचे महेश यांना दिसले. टीम ‘बी’ मधील सदस्य सोनाली पाटील जेव्हा मिठाचे पाणी टीम ‘ए’ वर फेकत होती त्यावेळी उत्कर्षने तिला अडवले. मात्र टीम ‘ए’ ने मिरच्यांचा वापर टीम ‘बी’ वर केला तेव्हा उत्कर्षने त्यांना अडवले नाही. असा भेदभाव का केला?, असा प्रश्न महेश मांजरेकर यांनी ‘बॉसची चावडी’ या एपिसोडच्या वेळीस केला होता.
