Birthday Speaial: शाहरुख खानचा मुलगा अबरामने ‘या’ सिनेमातून केली आहे बॉलिवूडमध्ये एण्ट्री!

या सिनेमात झळकला होता अबराम
शाहरुखचा मुलगा अबरामने २०१४ सालामध्ये आलेल्या ‘हॅपी न्यू इयर’ सिनेमातून बॉलिवूडमध्ये एण्ट्री केली आहे. खरं तर जरी तुम्ही एकाग्रतेने सिनेमा पाहिला तरी तुम्हाला अबराम  सिनेमात  कुठेच झळकताना दिसणार नाही. मात्र सिनेमाच्या शेवटी क्रेडीटमध्ये अबराम दिसून आलाय. फक्त अबरामच नाही तर शाहरुखची पत्नी गौरीदेखील दिसून आली आहे. ‘साडे मेनू क्यू शराबी कहते है’ या गाण्याच्या शेवटी शाहरूख अबरामसोबत नाचताना दिसतोय. या गाण्यात अबराम खूपच गोंडस दिसतोय.

एका मुलाखतीत शाहरुखने यावर खुलासा केला होता. “खरं तर हा खूप घाईत घेतला गेलेला निर्णय होता.” असं शाहरुख म्हणाला. यापूर्वी शाहरुखचा मोठा मुलगा आर्यनही एका सिनेमात झळकला होता. जेव्हा तो अडीच वर्षांचा होता.

शाहरुखचा मोठा मुलगा आर्यन आणि मुलगी सुहानादेखील अनेकदा लहानग्या अबरामसोबत सोशल मीडियावर क्यूट फोटो शेअर करत असतात. या फोटोंना नेटकऱ्यांची मोठी पसंती मिळताना दिसते.