प्रसिद्ध दिग्दर्शक सुभाष घई यांच्या वाढदिवसाचं एक दिवस आधीच जंगी सेलिब्रेशन करण्यात आलं. या बर्थडे पार्टीला बॉलिवूडच्या अनेक प्रसिद्ध कलाकारांनी हजेरी लावली. सलमान खान, जॅकी श्रॉफ ते अभिषेक बच्चन- ऐश्वर्या राय या दाम्पत्याने हजेरी लावली होती. या बर्थ डे पार्टीचे वेगवेगळे व्हिडीओ सध्या सोशल मीडियावर व्हायरल होताना दिसत आहे. या पार्टीत ऐश्वर्या रायने अभिषेकबरोबर एंट्री घेतली होती मात्र तिला आता नेटकऱ्यांनी ट्रोल केले आहे.
या पार्टीत येताना अभिषेकने काळ्या रंगाचे कपडे परिधान केले होते तर ऐश्वर्याने निळ्या रंगाचा ड्रेस परिधान केला होता. तिने केस मोकळे ठेवले होते यावरूनच तिला ट्रोल केले जात होते. नेटकऱ्यांनी यावर कमेंट्स करण्यास सुरवात केली आहे. एकाने लिहले आहे “हिची हेअरस्टाईल आता कायमचीच झाली आहे.” तर दुसऱ्याने लिहले आहे “हेअरस्टाईल बदलत नाहीस निदान कपड्यांची स्टाईल तरी बदलत जा, “असा टोला लगावला आहे. एकाने लिहले आहे “ही जोडी खोटी वाटते.”
मालिका संपताच साध्याभोळ्या नेहाचा ग्लॅमरस अंदाज पाहिलात का? क्रॉप टॉपमधला व्हिडीओ केला शेअर
बॉलिवूडचे शोमॅन म्हणून सुभाष घई ओळखले जातात. त्यांच्या ‘ताल’ चित्रपटात ऐश्वर्या रायने काम केले होते. त्यांच्या वाढदिवसानिमित्त काल सोमवारी रात्री प्री-बर्थडे पार्टीचे आयोजन करण्यात आलं होतं. या पार्टीत सलमानने सर्वांचे लक्ष वेधून घेतले होते.
दरम्यान ऐश्वर्या रायने चित्रपटसृष्टीत स्वत:ची वेगळी ओळख निर्माण केली आहे. काही दिवसांपूर्वी तिची प्रमुख भूमिका असलेला ‘पोन्नियिन सेल्वन पार्ट १’ हा चित्रपट प्रदर्शित झाला. या चित्रपटाने बॉक्स ऑफिसवर दमदार कमाई केली होती.
