मृणालचा ‘सिता रामम्’ पाहून कंगना रणौत भारावली, म्हणाली “ठाकूर साहेब…”

मृणाल ठाकूर मुख्य भूमिकेत असलेला ‘सिता रामम्’ चित्रपट कंगनाने पाहिला. हा चित्रपट पाहिल्यानंतर कंगनाने सोशल मीडियाद्वारे चित्रपटाबद्दल असलेलं तिचं मत व्यक्त केलं आहे. “’सिता रामम्’ चित्रपट पाहण्याचा अनुभव फारच छान होता. चित्रपटातील लव्हस्टोरी, पटकथा आणि दिग्दर्शन उत्तम आहे”, असं म्हणत तिने दिग्दर्शक हनु राघवपुडी आणि संपूर्ण टीमचं अभिनंदन केलं आहे.

हेही वाचा >> Koffee With Karan 7 : आलिया-रणबीरला बॉलिवूड अभिनेत्याच्या पत्नीचा सल्ला, म्हणाली “लग्नानंतर फक्त सेक्स आणि…”

कंगनाने मृणाल ठाकूरचंही कौतुक केलं आहे. “चित्रपटात सगळ्याच कलाकरांनी उत्तम भूमिका साकारल्या आहेत. परंतु, मृणाल ठाकूरने साकरलेल्या भूमिकेत अतिशय संयमित भावना आणि तिची कामाप्रती असलेली प्रतिष्ठा दिसते. कोणत्याही अभिनेत्रीने अशी भूमिका साकारलेली नाही. खरंच तू राणी आहेस. ठाकूर साहेब मॅम जिंदाबाद”, असं म्हणत कंगनाने मृणाल ठाकूरला तिच्या इन्स्टाग्राम स्टोरीमध्ये टॅगही केलं आहे.

हेही पाहा >> Raju Srivastava Death : किती संपत्ती सोडून गेले ‘गजोधर भैय्या’?

हेही वाचा >> “मला जीवे मारण्याचा प्रयत्न झाला”, तनुश्री दत्ताचा खळबळजनक खुलासा, म्हणाली “माझ्या गाडीचे ब्रेक फेल करुन…”

मृणाल ठाकूरने ‘सिता रामम्’ चित्रपटातून दाक्षिणात्य चित्रपटसृष्टीत पदार्पण केलं. हा तेलुगू चित्रपट ५ ऑगस्टला सर्वत्र प्रदर्शित झाला. माजी राष्ट्रपती व्यंकय्या नायडू यांनीही या चित्रपटाचं कौतुक केलं होतं. चित्रपटात मृणालसह अभिनेता दुलकर सलमानही प्रमुख भूमिकेत आहे. ‘सिता रामम्’मध्ये दाक्षिणात्य अभिनेत्री रश्मिका मंधाना आणि अभिनेता तरूण भास्करनेही महत्त्वपूर्ण भूमिका साकारल्या आहेत.