नेटफ्लिक्ससोबतच्या नात्याचा राधिकाने केला उलगडा, म्हणाली…

सोशल मीडियावर चर्चा होणाऱ्या या प्रतिक्रिया पाहून नेटफ्लिक्सशी असणाऱ्या नात्याविषयी खुद्द राधिका आपटे हिने आता तिचं मत मांडलं आहे. एका मुलाखतीदरम्यान तिला याविषयीचा प्रश्न विचारण्यात आला तेव्हा या प्रश्नाचं उत्तर देत राधिका म्हणाली, “सर्वात आधी ‘लस्ट स्टोरिज’ प्रदर्शित ही सीरिज प्रदर्शित झाली. त्यामागोमाग ‘सेक्रेड गेम्स’ आणि मग त्यानंतर ‘घौल’ ही सीरिज प्रदर्शित झाली. हे सर्व ठरवून करण्यात आलं नव्हतं, कारण ‘सेक्रेड गेम्स’ ही नेटफ्लिक्सची ओरिजिनल सीरिज होती आणि सुरुवातीपासूनच मला ठाऊक होतं की मी नेटफ्लिक्सच्या ओरिजिनल सीरिजसाठी काम करत आहे. पण, ज्यावेळी ‘लस्ट स्टोरिज’ आणि ‘घौल’ चित्रीत झाल्या तेव्हा मात्र त्या नेटफ्लिक्सच्या सीरिज नव्हत्याच. किंबहुना आम्हाला ठाऊकही नव्हतं ते, या सीरिज कुठे आणि कशा प्रकारे प्रदर्शित करणार आहेत. त्यानंतर नेटफ्लिक्सने पुढाकार घेतला आणि गोष्टी पुढे घडत गेल्या. त्यामुळे हा एक निव्वळ योगायोगच होता.”

वाचा : सुरुवातीच्या दिवसांमध्ये मुंबईत आलेल्या राधिकाकडे होता फक्त ‘या’ अभिनेत्याचा फोन नंबर

राधिकाच्या म्हणण्यानुसार आता या साऱ्या योगायोगाच्या गोष्टी आहेत. पण, या एका योगायोगामुळे सध्याच्या घडीला आघाडीच्या अभिनेत्रींमध्ये राधिकाच्या नावाचा समावेश झाला आहे हे खरं. इतकच नव्हे, तर तिच्या चाहत्यांचा आकडाही झपाट्याने वाढत असल्याचं लक्षात येत आहे. राधिका आणि नेटफ्लिक्सचं हे नातं पाहता आता या जोडीचा पुढचा प्रोजेक्ट कोणता असणार हे पाहणं औत्सुक्याचं ठरणार आहे.