बॉलिवूडमध्ये अनेक हिट गाणी देणारा गायक अरिजित सिंह त्याच्या गाण्यांमधून अनेकांवर जादू करत असतो. पण सध्या एका वेगळ्या कारणामुळे तो चर्चेत आहे. या चर्चा त्याने एकाच वेळी चार फ्लॅट खरेदी केल्यामुळे सुरु झाल्या आहेत. या फ्लॅटची किंमत ऐकून तुम्हीही थक्क व्हाल.
अरिजितने मुबंई येथील वर्सोवा येथे हे फ्लॅट खरेदी केले आहेत. हे चारही फ्लॅट वर्सोवामधील सात बंगला रोड येथील सविता कोऑपरेटिव सोसाइटीमध्ये आहेत. या चारही फ्लॅटची किंमत जवळपास ९ कोटी रुपये असल्याचे म्हटले जात आहे. या चार फ्लॅटमधील एक प्लॅट ३२ चौरस मी. आहे. त्याची किंमत १.८० कोटी रुपये आहे.
View this post on Instagram
Bengaluru! See you all on 29th Feb . The tickets are live now :- http://bit.ly/36jhqOp
दुसरा फ्लॅट ७० चौरस मीटर असून त्याची किंमत २.२० कोटी आहे. तर तिसऱ्या फ्लॅटची किंमत २.६० कोटी रुपये आहे. हा फ्लॅट ८० चौरस मीटर आहे. या चार फ्लॅटमधील चौथा फ्लॅट ७० चौरस मीटर आहे. त्याची सध्याची किंमत २.५० कोटी आहे. अरिजितने हे चारही फ्लॅट खरेदी करण्यासाठी जवळपास ९ कोटी रुपये खर्च केले आहेत.
