बॉलीवूड अभिनेता शाहिद कपूर सध्या त्याच्या ‘ब्लडी डॅडी’ या नवीन चित्रपटामुळे चर्चेत आहे. ओटीटीवर प्रदर्शित झालेल्या या चित्रपटाला प्रेक्षकांचा चांगला प्रतिसाद मिळाला आहे. दरम्यान, शाहिद कपूरने नुकतंच एका कार्यक्रमात आलिया भट्टबाबत मोठं वक्तव्य केलं आहे. शाहिदच्या या वक्तव्यानंतर नेटकरी त्याला ट्रोल करत आहेत.
अलीकडेच मुलाखतीदरम्यान शाहिद कपूरला विचारण्यात आले होते की, आलिया भट्टला भेटल्यास काय करशील? शाहिद म्हणाला म्हणाला की, ” मी अलीकडेच आलियाला भेटलो होतो. ती आई झाली आहे, यावर माझा विश्वास बसत नाही. जेव्हा मी आलियाबरोबर काम केलं होतं तेव्हा ती २१ वर्षांची होती. जेव्हा तुम्ही एखाद्याबरोबर खूप वेळ घालवता आणि नंतर खूप दिवस तुम्ही त्या व्यक्तीला भेटत नाहीत. तेव्हा तुम्हाला वाटतं ती व्यक्ती अजूनही तशीच आहे. माझ्याबरोबर असंच काहीसं झालं.”
हेही वाचा- “सलमान खान दारुड्या अन् मुजोर…” ‘गदर २’चे दिग्दर्शक अनिल शर्मा यांचं विधान चर्चेत
आलिया भट्टबाबत केलेल्या या वक्तव्यामुळे शाहिद कपूरला सोशल मीडियावर ट्रोल करण्यात येत आहे. काही नेटकऱ्यांनी शाहिदला मीराचं उदाहरण देत ट्रोल केलं आहे. एका नेटकऱ्याने कमेंट केली आहे, “मीरा राजपूत वयाच्या २१ व्या वर्षी आई झाली होती.” एका युजरने लिहिले, “जेव्हा दोघांनी लग्न केले तेव्हा मीरा २० वर्षांची होती आणि शाहिद ३४ वर्षांचा होता. आलिया मीरापेक्षा फक्त एक वर्षाने मोठी आहे.” दुसर्‍या युजरने कमेंट केली, “त्याला मूल झाले तेव्हा त्याची बायको २१ वर्षांची नव्हती का?
हेही वाचा- “ती एक…” होणाऱ्या नातसुनेबाबत धर्मेंद्र यांचं मोठं वक्तव्य, म्हणाले..
तर काही चाहते शाहिदची बाजू घेताना दिसत आहे. एका चाहत्याने शाहिदच्या बचावात कमेंटमध्ये लिहिलं आहे. “आलिया आई बनली आहे. यावर शाहिदचा विश्वास बसत नाहीये. त्याच्या मते आलिया आई बनण्यासाठी लहान आहे. तर दुसऱ्या युजरने लिहिलं आहे, “शाहिदने आलियाच्या वयाबाबत कोणतंही वक्तव्य केलेलं नाही.”
