अनुष्का शर्मा आणि करण जोहर एकमेकांचे चांगले मित्र – मैत्रीण आहेत. अनुष्काने करणच्या ‘ए दिल है मुश्किल’ आणि ‘बॉम्बे वेल्वेट’ चित्रपटात काम केले आहे. करण जोहरच्या चॅट शोमध्येही अनुष्का पाहुणी म्हणून हजेरी लावतान दिसते. आता अशातच ‘कॉफी विथ करण’मधील तिचे एक जुने विधान चर्चेत आले आहे. यामध्ये अनुष्काने करणच्या विरोधात तिला करणवर लैंगिक छळाचा गुन्हा दाखल करायचा आहे, असे ती म्हणताना दिसते.
अनुष्का तिच्या दिलखुलास स्वभावासाठी ओळखली जाते. एकदा अनुष्का करण जोहरच्या ‘कॉफी विथ करण’ शोमध्ये आली होती. पण तेव्हा तिने जे विधान केले ते ऐकून करणला धक्काच बसला होता. अनुष्काने नॅशनल टीव्हीवर सांगितले होते की करण तिला चुकीच्या पद्धतीने स्पर्श करायचा. तसेच जॅकलीनलाही हा अनुभव आला असल्याचे तिने सांगितले होते.
‘ए दिल है मुश्कील’च्या चित्रीकरणादरम्यान करणचे अनुष्कावर क्रश असल्याचे त्याने उघड केले होते. त्यावर अनुष्काने उत्तर दिले की ती आनंदी आहे. यानंतर ती मस्करीच्या मूडमध्ये आली आणि म्हणाली, “मी त्याच्यावर लैंगिक छळाचा गुन्हा दाखल करणार आहे. कधीकधी तो मला चुकीचा स्पर्श करायचा.” त्यावर तिच्या शेजारी बसलेल्या कतरिनाने अनुष्काचे हे बोलणे सांभाळून घेतले.
हेही वाचा : “…पण त्याला थोडं कमी लेखलं गेलं,” करण जोहरने रितेश देशमुखसाठी केलेली ‘ती’ पोस्ट चर्चेत
पण त्यानंतरही अनुष्का शांत झाली नाही. ती करणकडे पाहात म्हणाली, “जॅकलीनने मनीष मल्होत्राच्‍या पार्टीनंतर तुझ्या विरोधात तक्रार केली होती की, तू तिला चुकीच्या पद्धतीने स्पर्श करत आहेस.” त्यावरही “कायदेशीर बाबींवर नंतर चर्चा करू,” असे सांगून कतरिनाने विषय बदलला. आता अनुष्काचे हे जुने विधान पुन्हा चर्चेत आले आहे.
