प्रेक्षकांनी 'आदिपुरुष' पाहावा म्हणून क्रिती सेनॉनची धडपड, आता शालेय विद्यार्थ्यांना दाखवणार हा चित्रपट

प्रभास आणि सैफ अली खान चित्रपटावर होणाऱ्या टीकेबद्दल मौन बाळगून आहे. परंतु क्रिती सेनॉन या चित्रपटाचं प्रमोशन करताना दिसत आहे.

‘आदिपुरुष’ हा चित्रपट नुकताच प्रदर्शित झाला. हा चित्रपट प्रदर्शित होण्याआधी या चित्रपटाबद्दल प्रेक्षकांच्या मनात प्रचंड उत्सुकता होती. परंतु हा चित्रपट प्रदर्शित झाल्यानंतर प्रेक्षकांची मोठ्या प्रमाणात निराशा झाल्याचं दिसत आहे. या चित्रपटात दाखवल्या गेलेल्या दृश्यांवर प्रेक्षक नाराजी व्यक्त करत आहेत. तर अनेकांनी या चित्रपटावर बहिष्कार घालण्याची मागणी केली आहे. या चित्रपटाला सर्वत्र विरोध जरी होत असला तरी या चित्रपटात सीतेची भूमिका साकारणारी अभिनेत्री क्रिती सेनॉन मात्र हा चित्रपट प्रेक्षकांनी पहावा म्हणून प्रयत्न करत आहे.

या चित्रपटात दाखवले गेलेली दृश्यं, यातील संवाद, कलाकारांचा अभिनय हे सगळंच प्रेक्षकांना अजिबात आवडलेलं नाही. त्यामुळेच या चित्रपटावर जोरदार टीका होत आहे. अशातच ‘ऑल इंडिया सिने वर्कर्स असोसिएशन’नेही या चित्रपटावर बंदी घालायची विनंती करणारं पत्र पंतप्रधान नरेंद्र मोदी यांना लिहिलं आहे. या सगळ्या होणाऱ्या टीकेनंतर या चित्रपटात श्रीरामांची भूमिका साकारणारा अभिनेता प्रभास आणि रावणाची भूमिका साकारणारा अभिनेता सैफ अली खान मौन बाळगून आहे. परंतु क्रिती सेनॉन या चित्रपटाचं प्रमोशन करताना दिसत आहे.

आणखी वाचा

CBFC suggests cuts for Kangana Ranaut’s Emergency before release

Kangana Ranaut : ‘इमर्जन्सी’ चित्रपट प्रदर्शित होण्याचा मार्ग मोकळा, कंगनाने पोस्ट करत दिली ‘ही’ माहिती

१७ ऑक्टोबर पंचांग: धनसंपत्ती की प्रचंड यश, गुरुवारी…

women in the theater started making strange gestures

चित्रपट सुरू असताना भर थिएटरमध्ये महिला करू लागली विचित्र हावभाव; थरारक VIDEO पाहून नेटकरी म्हणाले, “हिच्या अंगात…”

maharashtra government to give 10 lakh subsidy to c grade marathi films

‘क’ दर्जाच्या मराठी चित्रपटांनाही आता अनुदान

The AI dharma Story 25 October in cinemas

‘दि ए आय धर्मा स्टोरी’चे २५ ऑक्टोबरला प्रदर्शन

Phulvanti Marathi movie based on the novel

कादंबरीवर आधारित ‘फुलवंती’

मॅनेजर उद्धट वागल्याने मुख्य अभिनेत्याला चित्रपटातून काढलं, विवेक अग्निहोत्रींचा खुलासा; म्हणाले, “स्टार किडच्या…”

Devara Public Review: प्रेक्षकांना कसा वाटला ‘देवरा: पार्ट १’चित्रपट? प्रतिक्रिया देत म्हणाले, “दिग्दर्शन खूपच….”

आणखी वाचा : “वाद निर्माण करण्यासाठी…,” ‘आदिपुरुष’मधील संवादांवरुन होणाऱ्या टीकेवर तेजस्विनी पंडितचं भाष्य, म्हणाली…

View this post on Instagram

A post shared by Kriti (@kritisanon)

मीडिया रिपोर्टनुसार, अभिनेत्री क्रिती सेनॉन ‘आदिपुरुष’ हा चित्रपट शालेय विद्यार्थ्यांना दाखवणार आहे. आज म्हणजेच २१ जूनला दिल्ली पब्लिक स्कूलच्या विद्यार्थ्यांना ‘आदिपुरुष’ दाखवणार आहे. यादरम्यान तिचे कुटुंबही क्रितीसोबत असणार आहे. तिने यासाठी दिल्लीतील एका चित्रपटगृहात शो बुक केला आहे. या थिएटरमध्ये ३०० सीट आहेत. तर शोनंतर क्रिती विद्यार्थ्यांशी संवादही साधणार आहे. अद्याप क्रितीकडून याबद्दल कोणतीही अधिकृत माहिती देण्यात आलेली नाही.

हेही वाचा : हनुमानानंतर ‘आदिपुरुष’चे लेखक मनोज मुंतशीर यांना आठवला महाभारतातील कर्ण, म्हणाले…

दरम्यान, चित्रपटगृहात प्रेक्षकांनी ‘आदिपुरुष’कडे पाठ फिरवली आहे. पहिले दोन दिवस चांगली कमाई करणार आहात चित्रपट खूप दर दिवशी ७० ते ८० टक्के कमी कमाई करताना दिसत आहे. आत्तापर्यंत जगभरातून या चित्रपटाने साडेतीनशेहून अधिक कोटींची कमाई केली आहे.

First published on: 21-06-2023 at 16:37 IST

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Actress kriti sanon to screen adipurush for students of delhi public school rnv

प्रेक्षकांनी ‘आदिपुरुष’ पाहावा म्हणून क्रिती सेनॉनची धडपड, आता शालेय विद्यार्थ्यांना दाखवणार हा चित्रपट