तीन विवाहित पुरुषांच्या प्रेमात पडली होती ‘ही’ सुप्रसिद्ध अभिनेत्री; बॉलीवूडसह दक्षिणेत केलेत अनेक सुपरहिट सिनेमे

नगमाच्या प्रेम प्रकरणांची चर्चा

नगमाचे वैयक्तिक आयुष्य नेहमीच चर्चेत राहिले आहे. तिने आजवर तीन वेगवेगळ्या पुरुषांवर प्रेम केले; पण हे तिन्ही पुरुष आधीच विवाहित होते. त्यामुळे साहजिकच तिच्या प्रेम प्रकरणांना पूर्णविराम मिळाला. याच कारणामुळे तिचे लग्न होऊ शकले नाही. ती सध्या ४९ वर्षांची असून, ती अजूनही अविवाहित आहे.

हेही वाचा…Video : दिलजीत दोसांझच्या कॉन्सर्टमध्ये रडल्याने तरुणी झाली ट्रोल, गायक बाजू घेत म्हणाला, “तुम्ही देशाच्या…”

१९९० च्या दशकातील हिट अभिनेत्री

नगमाने (Nagma)आपल्या करिअरची सुरुवात सलमान खानबरोबर ‘बाघी’ या चित्रपटातून केली होती. त्यानंतर तिने ‘यादगार’, ‘सुहाग’ यांसारख्या चित्रपटांमधून दमदार कामगिरी केली. बॉलीवूडमधील शाहरुख खान, संजय दत्त यांसारख्या दिग्गज कलाकारांबरोबरही तिने काम केले आहे. तिचा अभिनयाचा प्रवास फक्त बॉलीवूडपुरता मर्यादित नव्हता. तिने साऊथ इंडस्ट्रीमध्येही चिरंजीवी, नागार्जुन यांसारख्या दिग्गज कलाकारांबरोबर काम केले आहे. तिचा ‘घराना मोगुडू’ हा चित्रपट तिच्या कारकिर्दीत मैलाचा दगड ठरला.

वैयक्तिक आयुष्य आणि वादग्रस्त प्रेम प्रकरणे

नगमाला तिच्या व्यावसायिक आयुष्यात यश मिळाले; पण तिच्या वैयक्तिक आयुष्यात मात्र तिला संघर्ष करावा लागला. तिचे नाव प्रसिद्ध क्रिकेटपटू सौरव गांगुली याच्याशीही जोडण्यात आले होते. ‘बॉलीवूड लाईफ’ने दिलेल्या वृत्तानुसार ही बातमी सौरव गांगुलीच्या पत्नीला समजल्याने त्यांचे नाते संपुष्टात आले.

हेही वाचा…“परवीन बाबीने मला सोडलं, कारण मी तिला…”, कबीर बेदी यांचा मोठा दावा; म्हणाले…

नगमाचे नाव तमीळ अभिनेता शरतकुमार आणि भोजपुरी अभिनेता रवी किशन यांच्याशीही जोडण्यात आले होते. पण, हे दोघेही विवाहित असल्याने तिची ही नातीही संपुष्टात आली. नगमाने काही काळानंतर चित्रपटसृष्टीला अलविदा करून राजकारणात प्रवेश केला. ती सध्या काँग्रेस पक्षाची महासचिव आहे.