सुनिल दत्त अमिताभ बच्चन यांच्या आवाजाचा करायचे तिरस्कार; १९७१ च्या ‘या’ चित्रपटात दिलेली मुक्याची भूमिका

अभिनेत्रीने काय सांगितले?

सिद्धार्थ कननच्या यूट्यूब चॅनेलला दिलेल्या मुलाखतीत, शीबा यांनी त्यांच्या सासऱ्यांनी त्यांना काय म्हटले हे सांगितले. त्यांनी म्हटले होते, “एक हिरो यायचा आपल्या घरी आणि येऊन माझ्या पायाजवळ बसायचा, त्यावेळी मला त्याच्या आवाजाबद्दल वाटायचे याचा आवाज असा का घुमणारा आहे?”

“त्याचा आवाज अगदी रेडिओ जॉकीसारखाच येतो”

त्या पुढे म्हणतात, सुनील दत्त साहेबांनी मला म्हटले होते, आम्ही त्याच्या आवाजाचा तिरस्कार करतो. त्याचा आवाज अगदी रेडिओ जॉकीसारखाच येतो. त्यांनी अमिताभ बच्चन यांना रेशमा आणि शेरा चित्रपटात मुक्याची भूमिका करायला लावली. कोणालाच हे समजू शकले नाही की एक दिवस हा आवाज त्यांच्या स्वत:पेक्षा मोठा ठरेल. सुनील दत्त यांनी ‘रेशमा और शेरा’ चित्रपटात मुख्य भूमिका साकारण्याबरोबरच चित्रपटाचे दिग्दर्शनदेखील केले आहे.

गेल्या वर्षी अमिताभ बच्चन यांनी त्यांच्या आवाजाचा गैरवापर होत असल्याप्रकरणी उच्च न्यायालयात धाव घेतली होती. त्यांच्या परवानगीशिवाय नाव, आवाज आणि फोटो वापरून कोणत्याही प्रकारच्या वस्तूंची जाहिरात करण्यापासून संरक्षण मिळावे, असे त्यांनी दाखल केलेल्या याचिकेत म्हटले होते.

हेही वाचा: Video : “नुसतं प्रेम भावा…”, म्हणत परदेसी गर्ल पोहोचली कोल्हापुरात! घरी येताच धनंजय पोवारच्या आई अन् पत्नीने औक्षण

कामाच्या बाबतीत बोलायचे झाल्यास, अमिताभ बच्चन सध्या ‘कौन बनेगा करोडपती’च्या १६ व्या पर्वाचे सूत्रसंचालन करत आहेत. याबरोबरच ते नुकताच प्रदर्शित झालेला ‘वैट्टेयन’ या सिनेमात बीग बी रजनीकांत यांच्याबरोबर ३२ वर्षांनंतर दिसले आहेत. काही दिवसांपूर्वी प्रभास, दीपिका पादुकोण आणि अमिताभ बच्चन यांची प्रमुख भूमिका असलेला ‘कल्की: २८९८ एडी’ हा चित्रपट चांगलाच गाजल्याचे पाहायला मिळाले.