अभिनेत्री श्रद्धा कपूर ही बॉलिवूडमधील आघाडीच्या अभिनेत्रींच्या यादीमध्ये सामील आहे. अभिनेत्री श्रद्धा कपूर ही तिच्या मराठमोळ्या अंदाजासाठी नेहमीच ओळखली जाते. तिला मराठी संस्कृतीबद्दल खूप प्रेम आहे. अनेकदा ती आपल्याला स्पष्ट मराठीत बोलताना दिसते. तर आता तिचा असाच एक नवा व्हिडिओ चांगलाच चर्चेत आला आहे.
श्रद्धा कपूरला मराठी संस्कृतीबद्दल, मराठी भाषेबद्दल नेहमीच गोडी वाटत आली आहे. बोलणं असो, वेशभूषा असो अथवा खाद्यपदार्थ; अनेकदा ती तिच्या कृतीतून तिला मराठी संस्कृतीबद्दल वाटणारं प्रेम दाखवत असते. आतापर्यंत अनेकदा तिच्या मराठी बोलण्याचं कौतुक केलं गेलं आहे. तर आता पुन्हा एकदा असंच काहीसं घडलं आहे.
श्रद्धा कपूर नुकतीच बोटीतून मुंबई बाहेर जाताना दिसली. त्यावेळी तिने पापाराझींशी मनमोकळा संवाद साधला. ती त्यांच्याबद्दल काळजी व्यक्त करताना दिसली. ते म्हणजे त्यांच्यातलं हे सगळं संभाषण मराठीत झालं. या व्हायरल होत असलेल्या व्हिडिओत ती म्हणते, “तुम्हाला असं उलटं चालताना पाहून मला भीती वाटते.” त्यावर एक पापाराझी तिला म्हणतो, “आता आम्हाला सवय झाली.” त्यावर श्रद्धा म्हणते, “हो मला माहित आहे, पण इथे खडबडीत आहे म्हणून.” त्यानंतर ती सगळ्यांना बाय म्हणून बोटीत बसून निघून जाते.
हेही वाचा : श्रद्धा कपूरने सांगितलं उत्तम मराठी बोलता येण्यामागचं गुपित, म्हणाली, “कारण मी…”
तिच्या या व्हिडिओवर नेटकरी विविध प्रतिक्रिया देत तिच्या साधेपणाचं, मराठी बोलण्याचं आणि प्रेमळ स्वभावाचं कौतुक करत आहेत.
