Aditi Rao Hydari and Siddharth Wedding News : ‘हीरामंडी’ फेम बॉलीवूड अभिनेत्री अदिती राव हैदरी आणि ‘रंग दे बसंती’ फेम लोकप्रिय अभिनेता सिद्धार्थ हे दोघं नुकतेच विवाहबंधनात अडकले आहेत. अदितीने इन्स्टाग्रामवर लग्नाचे सुंदर फोटो शेअर करत तिच्या सर्व चाहत्यांना सुखद दिला आहे. या दोघांच्या लग्नाची कुठेच चर्चा नव्हती. अदिती-सिद्धार्थचे निवडक मित्रमंडळी आणि कुटुंबीयांच्या उपस्थितीत हा विवाहसोहळा पार पडला आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

अदिती-सिद्धार्थचा विवाहसोहळा दाक्षिणात्य पद्धतीनुसार पार पडला. अभिनेत्रीने लग्नात गोल्डन जरी एम्ब्रॉयडरी असलेली सोनेरी रंगाची सुंदर अशी साडी नेसली होती. तर, सिद्धार्थने दाक्षिणात्य परंपरेनुसार पांढरा कुर्ता घालून लुंगी नेसली होती. अदितीने शेअर केलेल्या फोटोंनी सध्या सर्वांचं लक्ष वेधून घेतलं आहे. दोघेही या फोटोंमध्ये अतिशय सुंदर दिसत आहेत. या जोडप्याने तेलंगणा वानपर्थी येथील 400 वर्षे जुन्या मंदिरात त्यांचा विवाहसोहळा आयोजित केला होता.

हेही वाचा : अदिती राव हैदरीशी सिद्धार्थ कधी करणार लग्न? गुपचूप साखरपुडा उरकल्यावर अभिनेत्याने केला होत खुलासा; म्हणाला, “याचा निर्णय…”

अदितीने शेअर केले सुंदर फोटो

अदिती राव हैदरी व सिद्धार्थ यांचा लग्नसोहळा ( Aditi Rao Hydari and Siddharth Wedding Photo )

हेही वाचा : अदिती-सिद्धार्थने तेलंगणातील ४०० वर्षे जुन्या मंदिरात साखरपुडा का केला? अभिनेत्रीने पहिल्यांदाच सांगितलं कारण…

अभिनेत्री कॅप्शनमध्ये लिहिते, “तू माझा सूर्य आहेस, चंद्र आहेस आणि माझ्यासाठी तूच माझा तारा आहेस. लव्ह, लाइट अँड मॅजिक…मिस्टर अँड मिसेस अदु-सिद्धु” अभिनेत्रीच्या पोस्टवर सध्या नेटकऱ्यांसह कलाकार मंडळी शुभेच्छांचा वर्षाव करत आहेत.

हेही वाचा : प्रथमेश लघाटेने बनवले उकडीचे मोदक! नेटकऱ्यांकडून कौतुकाचा वर्षाव; सुकन्या मोने म्हणाल्या, “वाटच बघत होते…”

दरम्यान, अदिती-सिद्धार्थने ( Aditi Rao Hydari and Siddharth ) २७ मार्च रोजी साखरपुडा केला होता. लग्नाप्रमाणे या दोघांनी साखरपुडा देखील गुपचूप उरकला होता. गेली अनेक वर्षे अदिती आणि सिद्धार्थ एकमेकांना डेट करत होते. ‘महासमुद्रम’ नावाच्या चित्रपटात अदिती व सिद्धार्थने एकत्र काम केलं होतं. या चित्रपटाच्या शूटिंगदरम्यान हे दोघं एकमेकांच्या प्रेमात पडले आणि रिलेशनशिपमध्ये आले. २०२१ पासून त्यांनी आपल्या नात्यावर कुठेही उघडपणे भाष्य केलं नव्हतं. परंतु, त्यांच्या सगळ्याच चाहत्यांना अदिती-सिद्धार्थ एकत्र असल्याची कल्पना होती. आता ही जोडी विवाहबंधनात अडकली आहे. बॉलीवूडसह दाक्षिणात्य कलाविश्वातून सिद्धार्थ-अदितीवर कौतुकाचा वर्षाव करण्यात येत आहे.

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Aditi rao hydari and siddharth wedding actress shares adorable marriage ceremony photos sva 00