बॉलिवूडचा परफेक्शनिस्ट आमिर खानने एकापेक्षा एक दमदार चित्रपट दिले आहेत. १९८८ मध्ये आलेला कयामत से कयामत तक चित्रपटातून आमिरने बॉलिवूडमध्ये पदापर्ण केले. गेली ३५ वर्ष त्यांने एकापेक्षा एक दमदार चित्रपट दिले आहेत. धूम ३ मधील आमिरची अॅक्शन प्रेक्षकांना चांगलीच आवडली होती. मात्र, गेल्या काही वर्षांमध्ये आमिर प्रेक्षकांवर आपली जादू चालवण्यात अपयशी ठरताना दिसत आहे. फ्लॉप चित्रपटानंतर आमिरला आता आणखी एक मोठा धक्का बसला आहे. आदित्य चोप्राने आमिरबरोबर धूम ४ करण्यास नकार दिला आहे.
‘लाल सिंग चढ्ढा’ चित्रपट फ्लॉप होताच आमिरने अभिनयातून ब्रेक घेण्याचे ठरवले होते. त्याला थोडा वेळ आपल्या कुटुंबाला द्यायचा असल्याचे आमिरने स्पष्ट केले होते. मात्र, आता आमिर पुन्हा चित्रपटात काम करण्यास इच्छुक आहे. त्याला अॅक्शन चित्रपट करण्याची इच्छा आहे. धूमच्या नव्या सिक्वेंससाठी आमिर खान आदित्या चोप्राला भेटायला गेला होता. आमिर ‘धूम 3’ मध्ये दमदार अॅक्शन करताना दिसला होता आणि त्याला ‘धूम ४’ मध्येही अॅक्शन करण्याची इच्छा होती. मात्र, मीडिया रिपोर्टनुसार आदित्यने ‘धूम ४’मध्ये आमिरसोबत काम करण्यास नकार दिल्याचे बोलले जात आहे.
हेही वाचा- गर्भवती पत्नीला भर कार्यक्रमात ओढत नेल्याने ट्रोल, सना खानचा पती मुफ्ती अनस आहे तरी कोण?
आदित्यला ‘धूम ४’ मध्ये एका नवा सुपरस्टार आणायचा आहे. तो रणबीर कपूर किंवा रणवीर सिंगबरोबर चित्रपट करण्यास इच्छुक आहे. सतत फ्लॉप चित्रपट आणि नंतर हातातून गेलेला ‘धूम ४’ चित्रपट हा आमिर खानसाठी मोठा धक्का मानला जात आहे. त्यामुळे आता आमिर कोणत्या अॅक्शनमध्ये दिसणार हे पाहाणं महत्वाचं असेल.
