फ्लॉप चित्रपटानंतर आमिर खानला आणखी एक मोठा धक्का; ‘धूम ४’ मध्ये घेण्यास आदित्य चोप्राचा नकार

हेही वाचा- सलमान खानबरोबरच्या ब्रेकअपवर का बोलत नाही ऐश्वर्या? अभिनेत्रीने खुलासा करत म्हणालेली, “मी हे विसरले नाही…”

‘लाल सिंग चढ्ढा’ चित्रपट फ्लॉप होताच आमिरने अभिनयातून ब्रेक घेण्याचे ठरवले होते. त्याला थोडा वेळ आपल्या कुटुंबाला द्यायचा असल्याचे आमिरने स्पष्ट केले होते. मात्र, आता आमिर पुन्हा चित्रपटात काम करण्यास इच्छुक आहे. त्याला अॅक्शन चित्रपट करण्याची इच्छा आहे. धूमच्या नव्या सिक्वेंससाठी आमिर खान आदित्या चोप्राला भेटायला गेला होता. आमिर ‘धूम 3’ मध्ये दमदार अ‍ॅक्शन करताना दिसला होता आणि त्याला ‘धूम ४’ मध्येही अॅक्शन करण्याची इच्छा होती. मात्र, मीडिया रिपोर्टनुसार आदित्यने ‘धूम ४’मध्ये आमिरसोबत काम करण्यास नकार दिल्याचे बोलले जात आहे.

हेही वाचा- गर्भवती पत्नीला भर कार्यक्रमात ओढत नेल्याने ट्रोल, सना खानचा पती मुफ्ती अनस आहे तरी कोण?

आदित्यला ‘धूम ४’ मध्ये एका नवा सुपरस्टार आणायचा आहे. तो रणबीर कपूर किंवा रणवीर सिंगबरोबर चित्रपट करण्यास इच्छुक आहे. सतत फ्लॉप चित्रपट आणि नंतर हातातून गेलेला ‘धूम ४’ चित्रपट हा आमिर खानसाठी मोठा धक्का मानला जात आहे. त्यामुळे आता आमिर कोणत्या अॅक्शनमध्ये दिसणार हे पाहाणं महत्वाचं असेल.