ड्रामा क्वीन राखी सावंत सध्या तिच्या वैवाहिक आयुष्यामुळे चर्चेत आली आहे. राखीने पती आदिल खान विरोधात ओशिवरा पोलिस ठाण्यात तक्रार दाखल केली. फेब्रुवारी (मंगळवारी) आदिलला पोलिसांनी ताब्यात घेतलं. आदिलच्या अटकेनंतर राखीने त्याच्यावर गंभीर आरोपही केले. आता आदिलला १४ दिवसांची न्यायालयीन कोठडी सुनावण्यात आली आहे. दरम्यान राखीचा एक व्हिडीओ सोशल मीडियावर व्हायरल झाला आहे.
आणखी वाचा – Video : …अन् बोलता बोलता जमिनीवर कोसळली राखी सावंत, पती आदिल खानच्या अटकेनंतर अभिनेत्रीची झाली अशी अवस्था
ओशिवरा पोलिस ठाण्याबाहेर राखीला पाहताच तिला पापाराझी छायाचित्रकारांनी तसेच प्रसार माध्यमांनी घेरलं. राखी अगदी निराश दिसत होती. दरम्यान राखीला आदिलबाबत काही प्रश्न विचारण्यात आले. यावेळी तिच्याबरोबर काही भलतंच घडलं. राखी अचानक चक्कर येऊन जमिनीवर कोसळली.
राखी खाली पडताच एकच गोंधळ उडाला. तिच्या संपूर्ण टीमने राखीला पकडून गाडीच्या दिशेने नेलं. पण या सगळ्या प्रकरणात नेटकऱ्यांनी मात्र तिला ट्रोल करण्यास सुरुवात केली. राखी चक्कर येऊन खाली पडली तरी तिने तिच्या हातातला फोन काही सोडला नाही असं नेटकऱ्यांनी हा व्हिडीओ पाहून म्हटलं आहे.
अनेकांनी तिची खिल्ली उडवली. तसेच चक्कर येणं हे राखीचं नाटक आहे असंही अनेकांनी म्हटलं. राखीचा हा व्हिडीओ सध्या सोशल मीडियावर वेगाने व्हायरल होत आहे. या व्हिडीओमुळे तिला ट्रोलिंगचा सामना करावा लागत आहे. आईच्या निधनानंतर माझं लग्नही मोडलं असं राखी सातत्याने म्हणत आहे.
