व्हायरल ‘डीपफेक’ व्हिडीओनंतर रश्मिका मंदाना आली मीडियासमोर; ‘अशी’ होती अभिनेत्रीची अवस्था

इंस्टाग्रामवर एक स्टोरी शेअर करत रश्मिकाने तिच्या भावना मांडल्या. या व्हायरल व्हिडीओ प्रकरणानंतर रश्मिका नुकतीच मीडियासमोर आली आहे. सोशल मीडियावर सध्या तिचा हा व्हिडीओ चांगलाच चर्चेत आहे. या व्हिडीओमध्ये रश्मिका चांगलीच बिथरलेली दिसत आहे. मीडिया रिपोटर्स आणि फोटोग्राफरनी तिच्या भोवती गराडा घातल्याने रश्मिका चांगलीच गोंधळली असल्याचं या व्हिडीओमधून स्पष्ट होत आहे.

आणखी वाचा

‘इमर्जन्सी’ चित्रपट पुढील महिन्यात प्रदर्शित होणार; निर्माते- सेन्सॉर मंडळातील तडजोडीनंतर प्रकरण उच्च न्यायालयाकडून निकाली

Bigg Boss Marathi 5: सर्व एलिमिनेटेड सदस्यांची घरात…

‘इमर्जन्सी’ चित्रपटातील दृश्यांना कात्री लावण्यास सहनिर्माती कंगना राणावत तयार, सेन्सॉर मंडळाची उच्च न्यायालयात माहिती

मॅनेजर उद्धट वागल्याने मुख्य अभिनेत्याला चित्रपटातून काढलं, विवेक अग्निहोत्रींचा खुलासा; म्हणाले, “स्टार किडच्या…”

Devara Public Review: प्रेक्षकांना कसा वाटला ‘देवरा: पार्ट १’चित्रपट? प्रतिक्रिया देत म्हणाले, “दिग्दर्शन खूपच….”

तेजस्विनी पंडितच्या ‘येक नंबर’ चित्रपटाचे १० ऑक्टोबरला प्रदर्शन

Video : “मी लोकप्रिय आहे का?” तैमूर आई करीनाला विचारतो प्रश्न, ती काय उत्तर देते? जाणून घ्या

पुन्हा एकदा मनोरंजनाचा प्रवास, ‘नवरा माझा नवसाचा २’ चित्रपटातील कलावंत ‘लोकसत्ता’ कार्यालयात

आणखी वाचा : “टायगर बूढ़ा है बॉक्स ऑफिसवर…” प्रसिद्ध अभिनेत्याने उडवली भाईजानची खिल्ली; आमिर खानवरही केली टीका

रश्मिका नुकतीच तिच्या आगामी ‘अॅनिमल’ या चित्रपटाच्या प्रमोशनसाठी मुंबईत आली. मुंबईच्या ‘टी-सीरिज’चया कार्यालयाबाहेरच मीडियाच्या लोकांनी घेरलं. दरम्यान अभिनेता रणबीर कपूरही रश्मिकाबरोबर आला आणि तिला या सगळ्या गराड्यातून बाहेर पडायला मदत केल्याचं या व्हायरल व्हिडीओमध्ये दिसत आहे. ‘अॅनिमल’च्या प्रमोशनसाठी रश्मिका मुंबईत आल्याचं स्पष्ट होत आहे.

आपल्या व्हायरल होणाऱ्या डिपफेक व्हिडीओबद्दल इंस्टाग्रामवर पोस्ट करताना रश्मिकाने लिहिलं, ““माझा डीपफेक व्हिडीओ ऑनलाइन मोठ्या प्रमाणात शेअर केला जात आहे, हे पाहून मला खूप दुःख झालंय. याबद्दल बोलणं गरजेचं आहे. तंत्रज्ञानाचा मोठ्या प्रमाणात गैरवापर केला जात आहे. एक महिला व एक अभिनेत्री म्हणून मी माझे कुटुंब, मित्र आणि शुभचिंतकांचे आभार मानते कारण ते माझे संरक्षक आणि सपोर्ट सिस्टिम आहेत. पण हे मी शाळा किंवा कॉलेजमध्ये असताना घडलं असतं तर मी हे कसं हाताळलं असतं, याची मला कल्पनाही करवत नाही.”

सोशल मीडियावर व्हायरल होणाऱ्या या व्हिडीओमध्ये एक मुलगी काळ्या रंगाच्या ड्रेसमध्ये दिसत आहे. त्या मुलीचा चेहरा हुबेहुब रश्मिकासारखा आहे. या व्हिडीओमध्ये ती मुलगी लिफ्टमध्ये शिरताना दिसत आहे आणि तिने अतिशय बोल्ड ड्रेस परिधान केलेला आहे. हा व्हिडीओ मॉर्फ केलेला आहे. हा व्हिडीओ रश्मिका मंदानाचा नसून झारा पटेलचा आहे. झारा ही ब्रिटिश-भारतीय वंशाची तरुणी आहे.