Aishwarya Rai And Abhishek Bachchan : अभिषेक बच्चन व ऐश्वर्या राय यांच्या घटस्फोटाबाबत गेल्या अनेक दिवसांपासून चर्चा सुरू होत्या. दोघेही एकमेकांपासून वेगळे राहतात, ऐश्वर्याला फक्त तिच्या लेकीची साथ आहे, अभिनेत्रीने जागतिक पातळीवर पार पडलेल्या महोत्सवात तिच्या नावातून बच्चन आडनाव हटवलं अशाप्रकारच्या बातम्या या दोघांबद्दल येऊ लागल्या होत्या. मात्र, या चर्चांदरम्यान काही दिवसांआधीच ऐश्वर्या व अभिषेक यांचा एका कौटुंबिक सोहळ्यातील फोटो सोशल मीडियावर व्हायरल झाला होता. यामुळे दोघेही एकत्र आनंदी झाल्याचं स्पष्ट झालं होतं.
आता ऐश्वर्या ( Aishwarya Rai ) आणि अभिषेक जोडीने लेकीच्या शाळेत पोहोचल्याचं पाहायला मिळतंय. अनेक मोठमोठ्या सेलिब्रिटींची मुलं धीरूभाई अंबानी स्कूलमध्ये शिक्षण घेतात. नोव्हेंबर-डिसेंबर महिन्यात बहुतांश सगळ्याच शाळांमध्ये वार्षिक स्नेहसंमेलन महोत्सव साजरा केला जातो. याचप्रमाणे धीरूभाई अंबानी स्कूलमध्ये देखील शालेय मुलांसाठीच्या कार्यक्रमाचं आयोजन करण्यात आलं होतं. यावेळी शाळेतील सगळी मुलं आपलं कलाकौशल्य सादर करतात. या कार्यक्रमाला सगळे सेलिब्रिटी आपल्या मुलांचा आनंद द्विगुणित करण्यासाठी उपस्थित राहिले होते.
हेही वाचा : “मी अभिनेत्री आहे हे पवनला माहिती नव्हतं…”, साऊथ इंडियन सासरी मराठी मालिका पाहतात का? रेश्मा शिंदे म्हणाली…
अभिषेक आणि ऐश्वर्या ( Aishwarya Rai ) यांची लेक आराध्या सुद्धा याच शाळेत आपलं शिक्षण पूर्ण करत आहेत. याचनिमित्ताने आपल्या लेकीला प्रोत्साहन देण्यासाठी हे स्टार जोडपं एकत्र पोहोचलं होतं. यावेळी आराध्याचे आजोबा आणि बॉलीवूडचे महानायक ‘बिग बी’ सुद्धा उपस्थित होते. अभिषेक आणि ऐश्वर्या यांनी यावेळी काळ्या रंगाचे कपडे घालून Twinning केल्याचं पाहायला मिळालं.
ऐश्वर्या व अभिषेक जोडीने पोहोचले आराध्याच्या शाळेत
सध्या बच्चन कुटुंबीय एकत्र आराध्याच्या शाळेत पोहोचल्याचे अनेक फोटो आणि व्हिडीओ सोशल मीडियावर व्हायरल होत आहेत. यापैकी एका फोटोत अभिषेक ऐश्वर्याच्या ड्रेसची ओढणी सावरत असल्याचं पाहायला मिळतंय. याशिवाय गर्दीत धक्का लागू नये यासाठी अभिषेक ऐश्वर्याची विशेष काळजी घेताना दिसला. यावरून दोघांमध्ये सर्वकाही उत्तम असून ऐश्वर्या-अभिषेक एकमेकांबरोबर आनंदी असल्याचं स्पष्ट झालं आहे.
नेटकऱ्यांनी ऐश्वर्या-अभिषेकच्या या व्हायरल व्हिडीओ कमेंट्सचा पाऊस पाडला आहे. त्यांच्या चाहत्यांनी अनेक महिन्यांनी दोघांना एकत्र पाहून आनंद व्यक्त केला आहे.
