सोशल मीडिया असे माध्यम आहे की, ज्यावर सगळे जण आपल्या भावना खुलेपणाने व्यक्त करू शकतात. नामांकित व्यक्तीपासून ते सामान्य व्यक्तीपर्यंत सर्व जण या माध्यमाचा वापर करू शकतात. त्याबरोबरच जगातील कोणत्याही व्यक्तीबरोबर जोडले जाणे यामुळे सहज शक्य होते. याच माध्यमातून अनेकदा कौतुकाबरोबरच अनेकांना कोणत्या तरी बाबीवरून ट्रोल केले जाते. आता बॉलीवूडचा प्रसिद्ध अभिनेता अजय देवगणलादेखील त्याच्या अभिनयावरून ट्रोल केले जात होते. मात्र, त्यावर अभिनेत्याच्या चाहत्यांनी ट्रोल करणाऱ्या नेटकऱ्याला प्रत्युत्तर देत अजय देवगण हा चांगला कलाकार असल्याचे म्हटले आहे.
एका युजरने एक्स अकाउंटवर असे म्हटले होते की, अजय देवगण हा बॉलीवूडमधील वाईट अभिनेता आहे. त्याच्या पिढीतील तो सगळ्यात वाईट अभिनय करणारा कलाकार असून, त्याच्या चेहऱ्यावर कोणतेही हावभाव नसतात. त्यामुळे अक्षय कुमार किंवा तिन्ही खान यांच्यासारखी लोकप्रियता अजय देवगणला मिळू शकली नाही, असे म्हटले आहे. नेटकऱ्याच्या या कमेटनंतर अजय देवगणच्या चाहत्यांनी त्याला चांगलेच सुनावले आहे.
अजय देवगणची बाजू घेताना एका चाहत्याने म्हटले, “तो चांगला अभिनय करतो. ‘दृश्यम’, ‘सिंघम’ व ‘शैतान’ या चित्रपटांत त्याचा अभिनय आवडला होता.” दुसऱ्या एका नेटकऱ्याने अक्षय कुमारबरोबर तुलना करताना म्हटले आहे, “अजय देवगण हा अक्षय कुमारपेक्षा जास्त मोठा आहे. बॉक्स ऑफिसवर गाजलेल्या चित्रपटांच्या आकड्याची तुलना कर. चार वेळा त्याने राष्ट्रीय पुरस्कार प्राप्त केला आहे. तो अभिनयाच्या बाबतीतदेखील इतरांपेक्षा वरचढ आहे. काही भूमिका सारख्या आहेत आणि त्यामुळे अभिनयसुद्धा सारखाच आहे. आणखी एका युजरने असे लिहिले आहे, “अजय देवगण एक उत्तम अभिनेता आहे. आजकालच्या मुलांना ते कळत नाही “. एका नेटकऱ्याने ट्रोल करणाऱ्याला उत्तर देताना म्हटले आहे की, कदाचित तू म्हणत आहेस ते खरे असेल. मात्र, अनेक भारतीय पुरुष त्यांच्या खऱ्या आयुष्यात तसेच असतात. त्यामुळे जेव्हा अजय देवगण चित्रपटात अभिनय करीत असतो तेव्हा अनेक जण त्याच्याबरोबर स्वत:ला जोडून घेतात.
Ajay devgn got to be the worst actor from his generation with no aura thats why he didn't reach real stardom like the khans or even akshay kumar pic.twitter.com/fOkrIGHBRY
— cali. (@mastanified) July 7, 2024
फूल और काँटे या १९९१ साली प्रदर्शित झालेल्या चित्रपटातून अजय देवगणने बॉलीवूडमध्ये पदार्पण केले होते. ३० वर्षांच्या त्याच्या बॉलीवूडमधील प्रवासात त्याने एकापेक्षा एक चित्रपटांतून प्रेक्षकांचे मनोरंजन केले आहे. नुकताच तो ‘शैतान’ चित्रपटात दिसला होता. बॉक्स ऑफिसवर या चित्रपटाने चांगली कमाई केली होती. आता हा चित्रपट नेटफ्लिक्सवर प्रदर्शित झाला असून, प्रेक्षकांचा ‘शैतान’ला उत्तम प्रतिसाद मिळत असल्याचे पाहायला मिळत आहे.
