सध्या प्रत्येकजण दिवाळी साजरी करण्यात मग्न आहे. कोणी फटाके उडवत, कोणी नातेवाईकांच्या घरी जात, तर कोणी आपल्या घरच्यांबरोबर फराळाचा आनंद घेताना दिसतोय. कलाकारही यात मागे नाहीत. अभिनेता अक्षय कुमारने त्याच्या घरच्या लक्ष्मी पूजनाचा एक व्हिडीओ शेअर करत त्याच्या चाहत्यांना दिवाळीच्या शुभेच्छा दिल्या आहेत. एरवी शूटिंगमध्ये व्यस्त असलेला अक्षय दिवाळीत घरी राहून आपल्या जवळच्या माणसांबरोबर दिवाळी साजरी करताना दिसतोय.
आणखी वाचा : उर्वशी रौतेला परतली मायदेशी; फोटो पोस्ट करत म्हणाली, “माझं हृदय तुटतंय कारण…”
अक्षयने आज त्याच्या इन्स्टाग्राम अकाउंटवर एक व्हिडिओ शेअर केला आहे. या व्हिडिओमध्ये तो मोठ्या उत्साहाने दिवाळी साजरी करताना दिसत आहे. या व्हिडिओमध्ये अक्षयच्या ऑफिसमध्ये त्याचे कुटुंबीय आणि त्याचा संपूर्ण स्टाफ जमलेला दिसत असून त्यांच्याबरोबर अक्षय देवांची आरती करताना दिसतोय. यावेळी अक्षयने लाल रंगाचा कुर्ता आणि पायजमा परिधान केलेला आहे.
हा व्हिडिओ शेअर करत अक्षयने सर्व चाहत्यांना दिवाळीच्या शुभेच्छा दिल्या आहेत. अक्षयने कॅप्शनमध्ये लिहिले, “प्रकाश, रंग आणि त्याहूनही सुंदर चेहऱ्यावरील हसू. माझा वर्षातील सर्वात खास दिवस. माझ्याकडून आणि माझ्या संपूर्ण कुटुंबाकडून तुम्हाला आणि तुमच्या परिवाराला दिवाळीच्या हार्दिक शुभेच्छा.”
हेही वाचा : कार्तिक आर्यनने नाकारलेल्या पान मसाल्याच्या जाहिरातीत आता अक्षय कुमार झळकणार, स्वीकारली १५ कोटींची ऑफर
दरम्यान, अक्षय कुमारचा बहुचर्चित आणि बहुप्रतीक्षित ‘राम सेतु’ हा चित्रपट उद्या प्रदर्शित होणार आहे. रामायणापासून प्रेरित होऊन या चित्रपटाची कथा तयार करण्यात आली आहे. अभिनेत्री नुसरत भरुचाही चित्रपटामध्ये महत्त्वाच्या भूमिकेमध्ये दिसणार आहे. या चित्रपटाचे दिग्दर्शन अभिषेक शर्मा यांनी केले आहे.
