झेंडुच्या फुलांचा असाही पुनर्वापर! आलिया भट्टने दिवाळीला नेसलेल्या साडीत काय आहे खास? किंमत ऐकून व्हाल थक्क

आलियाने तिच्या लग्नाची साडी राष्ट्रीय पुरस्कार मिळाल्यावर पुन्हा एकदा नेसली होती. तर, अभिनेत्रीने नुकताच मनिष मल्होत्राच्या दिवाळी पार्टीला तिचा हळदी व संगीत समारंभाचा ड्रेस पुन्हा घातला होता. आता आलिया तिच्या आणखी एका साडीमुळे पुन्हा एकदा चर्चेत आली आहे. दिवाळीला आलियाने गडद पिवळ्या रंगाची साडी नेसली होती. अभिनेत्रीच्या प्लेन साडीवर हलकीशी डिझायनर बॉर्डर असल्याचं फोटोंमध्ये पाहायला मिळत आहे. तिने या साडीवर सोनेरी रंगाचा स्लीव्हलेस ब्लाउज घातला होता. तर, लेक राहा अन् रणबीरने सुद्धा तिला मॅचिंग असे कपडे घातले होते.

आणखी वाचा

नागा चैतन्य आणि सोभिता धुलिपालाची दाक्षिणात्य ढंगातील लग्नपत्रिका झाली व्हायरल, ‘या’ तारखेला होणार विवाहसोहळा

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

‘महाराष्ट्राची हास्यजत्रा’च्या सेटवर ‘फुलवंती’ चित्रपटाची चर्चा, प्राजक्ता माळीने शेअर केला व्हिडीओ; पृथ्वीक प्रताप म्हणाला, “मला फुलवंती पेक्षा जास्त…”

Video : ‘कलर्स मराठी’च्या ‘या’ लोकप्रिय मालिकेत मुक्ता बर्वेची एन्ट्री! जबरदस्त लूक अन् प्रोमोने वेधलं लक्ष

संकर्षण कऱ्हाडेच्या भावाची ‘झी मराठी’च्या लोकप्रिय मालिकेत एन्ट्री! त्याचं नाव काय, कोणती भूमिका साकारणार?

Video : आई अन् लेकीचा ‘जमाल कुडू’ गाण्यावर डान्स, रिद्धिमा कपूर साहनीबरोबर नीतू कपूर यांनी धरला ठेका; पाहा व्हिडीओ

घरबसल्या पाहा प्राजक्ता माळीचा ‘फुलवंती’ सिनेमा; ‘या’ OTT प्लॅटफॉर्मवर आहे उपलब्ध

तेजूला लग्नासाठी पुन्हा नकार; भाग्यश्रीला मात्र दादाची काळजी; ‘लाखात एक आमचा दादा’ मालिकेत नवे वळण

आलिया भट्टच्या साडीचं वैशिष्ट्य

आलियाने नेसलेली साडी अमी पटेलने डिझाइन केलेली आहे. ही अतीव आनंद यांच्या रि-सेरेमोनिअल ब्रँडची साडी मुंबईच्या सिद्धिविनायक मंदिरात अर्पण केलेल्या झेंडुच्या फुलांचा पुनर्वापर करून रंगवलेली होती. मंदिरात दररोज जमा होणाऱ्या फुलांचा पुनर्वापर करून पर्यावरणपूरक पद्धतीने या साड्या बनवल्या जातात. हिंदुस्थान टाइम्सने दिलेल्या वृत्तानुसार अभिनेत्रीच्या साडीची किंमत तब्बल ८२ हजार ५०० रुपये आहे.

दरम्यान, आलिया भट्टच्या कामाबद्दल सांगायचं झालं, तर नुकतीच ती ‘जिगरा’ चित्रपटात झळकली होती. हा चित्रपट बॉक्स ऑफिसवर फारशी चांगली कामगिरी करू शकला नव्हता. आता येत्या काळात अभिनेत्री ‘अल्फा’ या यशराजच्या स्पाय युनिव्हर्समधील पहिला स्त्री-प्रधान चित्रपटात झळकणार आहे. यापूर्वीच्या ‘टायगर’, ‘पठाण’ आणि ‘वॉर’ सारख्या लोकप्रिय चित्रपट मालिकांच्या यशानंतर ‘अल्फा’मध्ये स्त्री पात्रांचा प्रमुख सहभाग दिसणार आहे. आलियाबरोबर या चित्रपट मराठमोळी अभिनेत्री शर्वरी वाघ झळकणार आहे.