बॉलीवूडचे कलाकार हे सतत कोणत्या ना कोणत्या कारणाने चर्चेत असतात. कधी त्यांच्या चित्रपटांतील भूमिका, कधी त्यांनी सोशल मीडियावर शेअर केलेल्या पोस्ट, तर कधी त्यांची वक्तव्ये यांमुळे हे कलाकार चर्चांचा भाग बनतात. आता अभिनेत्री आलिया भट्टने तिच्या बहिणीविषयी वक्तव्य केल्याने ती चर्चेत आली आहे. काय म्हणाली आलिया भट्ट? आलिया भट्टने नुकतीच एक मुलाखत दिली. या मुलाखतीत तिने तिला कोणते टीव्ही शो बघायला आवडतात, याचा खुलासा केला आहे. "लॉकडाउनमध्ये नेटफ्लिक्सवरील 'टू हॉट टू हॅण्डल' हा डेटिंग शो पाहण्याची मला सवय लागली आणि आता हा शो माझ्या आयुष्याचा एक भाग बनला आहे. तुम्ही मला हे म्हणू शकता की, तू असे शो पाहण्यापेक्षा चित्रपट पाहा; ज्यामुळे तुला अभिनयाविषयी काहीतरी शिकायला मिळेल. पण, प्रामाणिकपणे सांगायचे, तर मला माझ्या पायांचे वॅक्सिंग करीत हा शो पाहायला खूप आवडते. जेव्हा मी दिवसभरात खूप थकते, तेव्हा दिवसाच्या शेवटी मी हा शो पाहणे पसंत करते. इतकी मला हा शो पाहण्याची सवय झाली आहे", असे आलियाने म्हटले आहे. "जेव्हा माझी बहीण पूजा भट्ट बिग बॉस ओटीटीमध्य़े सहभागी झाली होती, त्यावेळी मी बिग बॉस बघायचे. मी माझ्या शूटिंग आणि कामादरम्यान बिग बॉस लाइव्ह बघत असायचे. त्यामुळे मला माझ्या बहिणीच्या नव्या गोष्टी पाहायला मिळाल्या, तिच्याविषयीचे नवीन पैलू समजले. त्यामुळे बिग बॉस लाइव्ह बघणे छान होते ", असे म्हणत ती टीव्ही शो पाहत असते याची कबुली आलियाने दिली आहे. हेही वाचा: Video: ‘बिग बॉस मराठी’च्या घरात ‘नवरा माझा नवसाचा २’ मधील कलाकारांची हजेरी; ‘स्वाद खुळा’ टास्कमुळे होणार धमाल, पाहा प्रोमो आलिया भट्ट ही तिच्या चित्रपटांबरोबरच अनेकदा तिच्या वैयक्तिक आयुष्यामुळेदेखील चर्चेत असते. बऱ्याचदा ती तिची लेक राहामुळे चर्चांचा भाग बनते. राहा सर्वांचे लक्ष वेधून घेत असते. जेव्हा रणबीर आणि आलियाने पहिल्यांदा तिचा चेहऱा सर्वांना दाखवला होता, त्यावेळी ती तिच्या आजोबांसारखी म्हणजेच दिवंगत अभिनेते ऋषी कपूर यांच्यासारखी दिसत असल्याचे चाहत्यांकडून म्हटले जात होते. आलिया भट्टच्या कामाविषयी बोलायचे झाल्यास, सध्या ती तिच्या 'जिगरा' या आगामी चित्रपटाच्या प्रमोशनमध्ये व्यग्र आहे. हा चित्रपट ११ ऑक्टोबरला प्रदर्शित होणार आहे. करण जोहर या चित्रपटाचा निर्माता आहे. आलिया भट्ट 'जिगरा'नंतर संजय लीला भन्साळी यांच्या 'लव्ह अँण्ड वॉर' या चित्रपटात दिसणार आहे. रणबीर कपूर आणि विकी कौशल हेदेखील या चित्रपटात महत्त्वाच्या भूमिकांतून प्रेक्षकांच्या भेटीला येणार आहेत. आता आलियाचा 'जिगरा' चित्रपट प्रेक्षकांना भुरळ घालणार का हे पाहणे महत्त्वाचे ठरणार आहे.
