“चिंता, काळजी आणि ट्रोल…” बाईक राईडच्या फोटोवर अमिताभ बच्चन यांचे स्पष्टीकरण

हेही वाचा : कान्सच्या रेड कार्पेटवर नवरीसारखी सजली ‘सारा’, नेटकरी कौतुक करीत म्हणाले, “भारतीय पोशाखापेक्षा…”

बाईक राईड करताना हेल्मेट का नव्हते घातले याबाबत अमिताभ बच्चन ब्लॉगवर प्रतिक्रिया देत म्हणाले, “माझ्या बाईक राईडचे फोटो पाहून सोशल मीडियावर अनेक घडामोडी घडत आहेत. बलार्ड स्ट्रीटवर चित्रीकरण करण्यासाठी आम्ही रविवारचा दिवस पाहून रितसर परवानगी घेतली होती. शूटिंगच्या परिसरात केवळ ३० ते ४० लोक होते. जो फोटो मी पोस्ट केला होता त्यात मी एका क्रू मेंबरच्या बाईकवर बसलो होतो आणि कपडे सुद्धा शूटिंगदरम्यानचे आहेत. या बाईकने मी कुठेही प्रवास न करता केवळ प्रवासासाठी तुमचा वेळ बाईकमुळे कसा वाचू शकतो याबाबत माहिती दिली आहे.”

हेही वाचा : “पौर्णिमा गायकवाडची भूमिका साकारताना…” प्रिया बापटने सांगितला ‘सिटी ऑफ ड्रीम्स’मध्ये काम करण्याचा अनुभव

अमिताभ बच्चन पुढे सांगतात, “समजा एखाद्या ठिकाणी वेळेत पोहोचायचे असेल, तर मी प्रवास करताना हेल्मेट घालून वाहतुकीच्या सर्व नियमांचे पालन करुन बाईकने प्रवास करेन. वेळ वाचवण्यासाठी असा प्रवास करणारा मी एकटा नसून याआधी अक्षय कुमारने सुद्धा सेटवर वेळेत पोहोचण्यासाठी बाईकची मदत घेतली होती.”

आपल्या ब्लॉगच्या शेवटी ‘बिग बी’ म्हणाले, “माझी एवढी चिंता, काळजी आणि मला ट्रोल केल्याबद्दल आभार…मी वाहतुकीचे कोणतेही नियम मोडले नाहीत. गैरसमज करुन घेऊ नका मी तसे काहीही केले नाही. तुम्हा सर्वांना माझ्याकडून खूप प्रेम…” दरम्यान, अमिताभ बच्चन लवकरच दीपिका पदुकोण आणि प्रभास यांच्यासह ‘प्रोजेक्ट के’ या चित्रपटात झळकणार आहेत.