अभिषेक बच्चन आणि सय्यामी खेरच्या मुख्य भूमिका असलेला घूमर चित्रपट लवकरच प्रेक्षकांच्या भेटीला येणार आहे. ४ ऑगस्ट रोजी चित्रपटाचा ट्रेलर लाँच झाला. आर बाल्की दिग्दर्शित या चित्रपटाची चांगलीच चर्चा होत आहे. अशातच उद्योगपती आनंद महिंद्रा यांनी ट्रेलरचं आणि अभिषेक बच्चनचं कौतुक केलंय. त्यांच्या कौतुकाच्या ट्विटवर अभिषेकनेही प्रतिक्रिया दिली. राहुल गांधींच्या कथित ‘फ्लाइंग किस’वर वाद; टीका करणाऱ्या स्मृती इराणींवर प्रसिद्ध अभिनेत्याचा संताप; म्हणाले, “मॅडमजी…” आनंद महिंद्रा यांनी त्यांच्या अधिकृत ट्विटर हँडलवर 'घूमर'चा ट्रेलर शेअर केला आहे. त्यासोबत त्यांनी लिहिलं की, "क्रिकेटबद्दलचे आमचे वेड एका नवीन स्तरावर नेण्याचे वचन देत बाल्की परत आले आहेत. पण या चित्रपटाचं खरं आश्वासन म्हणजे अभिषेक बच्चन आहे. मागील काही वर्षांमध्ये तो सर्वोत्कृष्ट अभिनेत्यांप्रमाणे आपली क्षमता सिद्ध करत आहे." आनंद महिंद्रा यांच्या ट्वीटवर प्रतिक्रिया देताना अभिषेक बच्चन म्हणाला "प्रिय आनंद महिंद्रा मी नि:शब्द आहे, म्हणून मी टाईप करतोय! तुमचा पाठिंबा, प्रोत्साहन आणि मार्गदर्शन हे माझ्यासाठी खूप महत्वाचे आहे. धन्यवाद! तुम्हाला चित्रपट दाखवण्याची प्रतीक्षा आता करू शकत नाही. मला तुमच्याबद्दल आदर, कौतुक आणि प्रेम आहे." दरम्यान, 'घूमर' चित्रपट एका विकलांग खेळाडूच्या प्रेरणादायी जीवनप्रवासावर बेतलेला आहे. या महिला क्रिकेटपटूची भूमिका अभिनेत्री सैयामी खेरने केली आहे. हा चित्रपट १८ ऑगस्ट रोजी प्रेक्षकांच्या भेटीला येणार आहे. यामध्ये अभिषेक आणि सैयामीसह अंगद बेदी, शबाना आझमी यांच्याही महत्त्वाच्या भूमिका आहेत.
