अनिल कपूर हे बॉलीवूडमधील एक एव्हरग्रीन अभिनेते म्हणून ओळखले जातात. त्यांच्या फिटनेस आणि लाइफस्टाइलमुळे ते नेहमीच चर्चेत असतात. त्यांच्या व्यायामाच्या सवयीमुळे आताच्या अनेक तरुण अभिनेत्यांना टफ फाईट देताना दिसतात. आता त्यांनी त्यांचा एक व्हिडीओ खूप चर्चेत आला आहे.
अनिल कपूर गेली अनेक वर्ष त्यांच्या अभिनयाने प्रेक्षकांच्या मनावर राज्य करत आहेत. त्यांचं फॅन फॉलोईंग खूप मोठा आहे. अनिल कपूर सोशल मीडियावर सक्रिय राहून त्यांच्या आयुष्यात घडणाऱ्या महत्त्वाच्या घडामोडी शेअर करत चाहत्यांच्या संपर्कात असतात. आता त्यांनी त्यांचा वर्कआउट करतानाचा एक व्हिडीओ शेअर केला आहे, जो पाहून सर्वच जण आश्चर्याचकित झाले आहेत.
आणखी वाचा : Photos: अनिल कपूर आणि त्यांची पत्नी सुनिता कपूर यांनी नातवाला दिली ‘ही’ खास भेट
अनिल कपूरने नुकताच त्यांच्या इन्स्टाग्राम हँडलवर त्यांचा एक व्हिडीओ शेअर केला आहे. या व्हिडीओमध्ये ते मायनस ११० डिग्री तापमानात वर्कआउट करताना दिसत आहेत. एवढेच नाही तर ते करताना त्याने शर्टही परिधान केलेला नाही. हा व्हिडीओ पोस्ट करत त्यांनी कॅप्शनमध्ये लिहिलं, “४० मध्ये खोडकर होण्याची वेळ गेली आहे. आता ६० मध्ये सेक्सी होण्याची वेळ आली आहे.” यासोबत त्यांनी फायटर मोड ऑन हा हॅशटॅगही वापरला.
आता या पोस्टवर कमेंट्स करत त्यांच्या या मेहनतीचं कौतुक करत आहेत. अनेकांनी कमेंट करत “तुमच्या फिटनेसच्या आवडीला सलाम” असं लिहिलं. तर याचबरोबर “तुम्हाला कोणीही मात देऊ शकत नाही,” असंही काहींनी लिहिलं. आता त्यांच्या या व्हिडीओमुळे सर्वांचं लक्ष त्यांच्याकडे वेधलं गेलं आहे.
