रणबीर कपूरचा बहुचर्चित चित्रपट ‘अॅनिमल’ १ डिसेंबर रोजी प्रदर्शित झाला. संदीप रेड्डी वांगा दिग्दर्शित या चित्रपटात रणबीरचे हिंस्त्र रूप बघायला मिळत आहे. प्रेक्षकांमध्ये या चित्रपटाची क्रेझ बघायला मिळत आहे. ‘अॅनिमल’मध्ये रणबीरसह रश्मिका मंदाना, अनिल कपूर, बॉबी देओल, शक्ती कपूर, तृप्ती डिमरी हे कलाकारही प्रमुख भूमिकेत आहेत. प्रदर्शनाच्या पहिल्याच दिवशी या चित्रपटाने जबरदस्त कमाई केली होती. आता ‘अॅनिमल’च्या दहाव्या दिवसाच्या कमाईचे आकडे समोर आले आहेत. ‘सॅकनिल्क’च्या सुरुवातीच्या ट्रेंड रिपोर्टनुसार, ‘अॅनिमल’ने दहाव्या दिवशी ७.५० कोटी रुपयांची कमाई केली आहे. देशभरात या चित्रपटाने ४०० कोटींचा आकडा पार केला आहे, तर जगभरात या चित्रपटाने ७०० कोटींची कमाई केली आहे. कमाईच्या बाबतीत ‘अॅनिमल’ने शाहरुख खानच्या ‘पठाण’, ‘जवान’बरोबरच प्रभासच्या ‘बाहुबली २’ चित्रपटालाही मागे टाकले आहे. https://www.instagram.com/reel/Cz_qfRntUcJ/?utm_source=ig_embed&ig_rid=fd329ce0-7f38-4fb2-bca4-d746dbadfd07 ‘अॅनिमल’ चित्रपट बघण्यासाठी प्रेक्षक चित्रपटगृहात गर्दी करताना दिसत आहेत. अनेक ठिकाणी चित्रपटगृहाबाहेर हाऊसफुल्लचे बोर्ड लागले आहेत. प्रदर्शनाअगोदरच ॲडव्हॉन्स बुकिंगमधून ‘अॅनिमल’ने मोठी कमाई केली होती. भारताबरोबरच परदेशातही चित्रपटाने जबरदस्त कमाई केली आहे. ‘अॅनिमल’ प्रदर्शित होऊन दहा दिवस झाले आहेत. या दहा दिवसांत चित्रपटाची कमाई दिवसेंदिवस वाढतच गेल्याचे दिसून येत आहे.