“टिळा लावलेला हिंदू…” बॉबी देओलचं पात्र मुस्लिम दाखवल्यामुळे होणाऱ्या टिकेला ‘अ‍ॅनिमल’च्या निर्मात्याचं चोख उत्तर

फक्त प्रेक्षकच नव्हे तर चित्रपट समीक्षक तसेच चित्रपटसृष्टीतील काही कलाकारदेखील या चित्रपटावर टीका करत आहेत. एकूणच चित्रपटातील स्त्री व्यक्तिरेखेचे चित्रण, हिंसाचार, पुरुषी वर्चस्व स्त्रियांवर लादणारी वृत्ती अशा वेगवेगळ्या मुद्द्यांमुळे या चित्रपटावर टीका होत आहे. रणबीर, रश्मिका अन् बॉबीसह या चित्रपटातील तृप्ती डीमरीचीही चांगलीच चर्चा आहे. खासकरून बॉबीचे पात्र अब्रार हक याच्या भोवती बरीच चांगली आणि वाईट चर्चा होताना बघायला मिळत आहे.

आणखी वाचा

‘रंग माझा वेगळा’मध्ये सावळ्या मुलीला का घेतलं नाही? ‘अशी’ झालेली रेश्मा शिंदेची निवड; मालिकेच्या लेखकानं सांगितलं कारण

Nana Patole : निकालाआधी राजकीय घडामोडींना वेग; यातच…

सुशांत सिंह राजपूतने प्रतीक बब्बरला सांगितलेली ‘ही’ इच्छा राहिली अपूर्ण, खुलासा करत म्हणाला…

Video : शूटिंगमध्ये फावला वेळ मिळताच जुई गडकरी काय करते? स्वत: व्हिडीओ पोस्ट करत दिली माहिती

‘भूल भुलैया -३’मधली माधुरी आणि माझी जुगलबंदी अविस्मरणीय…- विद्या बालन

‘छावा’नंतर भगवान परशुरामाची भूमिका साकारणार विकी कौशल; सिनेमाचे पहिले पोस्टर आणि जबरदस्त लूक आला समोर

“५० लाख दे अन्यथा…”, प्रसिद्ध भोजपुरी अभिनेत्रीला जीवे मारण्याची धमकी

पाकिस्तानी गँगस्टरकडून मिथुन चक्रवर्ती यांना धमकी, मुस्लिमांबद्दल केलेल्या ‘त्या’ वक्तव्याचा उल्लेख करत म्हणाला…

आणखी वाचा : “चांगले कपडे घ्यायची ऐपत…” बिग बींनी दिवाळखोरी जाहीर केल्यानंतरच्या काळाबद्दल अभिषेक बच्चन स्पष्टच बोलला

इतकंच नव्हे तर बॉबी देओलचे पात्र मुस्लिम दाखवल्यावरुनही प्रचंड टीका होत आहे. अल्पसंख्याकांच्या धार्मिक भावना दुखावल्या गेल्याने बऱ्याच लोकांनी यावर टीका केली आहे. हे पात्रं मुस्लिम दाखवणं, त्याच्या तीन बायका अन् आठ मुलं हे चित्र दाखवण्याची काय गरज होती?असा सवालही बरेच लोक करताना दिसत आहेत. याच प्रश्नाला चित्रपटाचे सहनिर्माते आणि दिग्दर्शक संदीप रेड्डी वांगा यांचे बंधु प्रणय रेड्डी वांगा यांनी चोख उत्तर दिलं आहे.

नुकतंच एका मीडिया चॅनलला दिलेल्या मुलाखतीमध्ये प्रणय रेड्डी वांगा यांनी यावर भाष्य केलं. ते म्हणाले, “आम्ही तीन बायका असलेला, ८ मुलं असलेला खलनायक दाखवला अन् तो अल्पसंख्याकांच्या धर्मातील असल्याने लोकांनी त्यावर टीका करायला सुरुवात केली आहे. गेल्या २०-३० वर्षांपासून चित्रपटात जेव्हा कपाळावर टिळा लावलेला हिंदू खलनायक दाखवला जायचा तेव्हा कुणीच जाब विचारला नाही. मुस्लिमांची ओळख अल्पसंख्याक अशी ओळख आहे केवळ म्हणूनच काही लोक या चित्रपटाचा विरोध करत आहेत.”