“देव सर्वोत्कृष्ट लेखक”! विराट कोहलीच्या ५० व्या शतकानंतर अनुष्का शर्माची पोस्ट; म्हणाली, “मला तुझं प्रेम…”

World Cup Semi Final : “तुम्ही फायनल बघू नका”, भारताच्या विजयावरील अमिताभ बच्चन यांच्या प्रतिक्रियेनंतर चाहत्यांची विनंती

“देव हा सर्वोत्कृष्ट लेखक आहे! मी देवाची खूप आभारी आहे की मला तुझं प्रेम मिळालं, तुला दिवसेंदिवस मजबूत होताना आणि तुझ्या सर्व इच्छा पूर्ण होताना मला बघता आलं. तू स्वत:शी आणि खेळाशी नेहमी प्रामाणिक राहिलास. तू खरोखरच दैवी देणगी आहेस,” असं अनुष्काने विराटचा एक फोटो शेअर करत लिहिलं.

इतकंच नाही तर अनुष्काने या सामन्यात ७ विकेट घेणारा भारताच्या विजयाचा शिलेदार मोहम्मद शामीसाठीही स्टोरी टाकली आहे. त्याचा ‘प्लेयर ऑफ द मॅच’चा फोटो शेअर करत तिने टाळ्या वाजवणारे इमोजी पोस्ट केले आहेत.

दरम्यान, भारत आणि न्यूझीलंड सामना खूपच रंजक झाला. भारताने न्यूझीलंडला ३९८ धावांचं आव्हान दिलं होतं. न्यूझीलंडकडून मिचेल आणि विल्यमसन यांनी उत्तम खेळी केली, भारताला विकेटची सर्वाधिक गरज असताना शामीने दोन विकेट्स घेतल्या आणि विजय खेचून आणला. या सामन्यात शामीने सात बळी घेतले. भारतीय फलंदाज व गोलंदाजांच्या उत्तम कामगिरीमुळे भारतीय संघ विश्वचषक स्पर्धा २०२३ च्या फायनलमध्ये पोहोचला आहे.