सध्या सगळीकडे आयपीएलचा १६वा हंगाम जोरात सुरू आहे. आयपीएलचा २८वा सामना गुरुवारी (२० एप्रिल) कोलकाता नाइट रायडर्स व दिल्ली कॅपिटल्स या संघांत खेळवला गेला. दिल्लीतील अरुण जेटली स्टेडियमवर हा सामना खेळवला गेला. कोलकाता नाइट रायडर्स व दिल्ली कॅपिटल्समध्ये खेळवण्यात आलेला हा सामना पाहण्यासाठी अ‍ॅपलचे सीईओ टीम कूक यांनीही हजेरी लावली होती. टीम कूकयांच्याबरोबर बॉलिवूड अभिनेत्री सोनम कपूर पती आनंद अहुजासह उपस्थित होती. सोनमने तिच्या इन्स्टाग्राम अकाऊंटवरुन टीम कूक यांच्याबरोबरचे काही फोटो शेअर केले आहेत. या फोटोमध्ये कूकनाही आयपीएलची भुरळ पडल्याचं दिसत आहे. कोलकाता नाइट रायडर्स व दिल्ली कॅपिटल्समध्ये झालेल्या सामन्याचा त्यांनी आनंद घेतल्याचं फोटोत दिसत आहे. हेही वाचा>> “आता तू पण विचित्र…”, फोटोशूटसाठी हटके पोझ दिल्यामुळे प्राजक्ता माळी ट्रोल "टीम कूक आणि टीम इथे राहण्याचा तुम्ही आनंद घेतला असेल, अशी आशा आहे. भारतातील अॅपलच्या स्टोरसाठी तुम्ही सकारात्मकता ठेवली आहे. हा वर्ल्ड क्लास अनुभव आम्हालाही घेता यावा यासाठी तुम्ही घेतलेल्या प्रयत्नांसाठी आभार," असं सोनमने कॅप्शनमध्ये लिहिलं आहे. हेही वाचा>> “IPL ही एक भेळ आहे” प्रसिद्ध मराठी अभिनेत्रीचं वक्तव्य, म्हणाली “ऑस्ट्रेलियन माजोरडे…” दरम्यान, गुरुवारी खेळवण्यात आलेल्या कोलकाता विरुद्ध दिल्ली सामन्यात दिल्ली कॅपिटल्सने विजय मिळवला. कोलकाता नाईट रायडर्सने अवघे १२७ धावा करत १२८ धावांचे आव्हान ठेवले होते. त्याचा पाठलाग करताना दिल्लीने चार विकेट्सने हा सामना जिंकला.
