बॉलिवूडमध्ये स्टारकिड्सना संधी मिळणं हे आता सगळ्यांसाठी सवयीचं झालं आहे. जोया अख्तरसुद्धा तिच्या नव्या वेबसीरिजमधून सुहाना खान आणि अगस्त्य नंदा या दोन स्टारकिड्सना पुढे आणणार आहे. आता यात आणखी भर पडली आहे ती अरबाज खानचा मुलगा अरहान खानची. ‘हिंदुस्तान टाइम्स’च्या वृत्तानुसार अरहान खानदेखील बॉलिवूडमध्ये पदार्पण करण्यासाठी सज्ज आहे. पण तो एक अभिनेता म्हणून नाही तर दिग्दर्शक म्हणून इंडस्ट्रीत काम करू इच्छित आहे असं अभिनेता अरबाज खानने स्पष्ट केलं आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

अरहान हा अरबाज आणि मलायका अरोरा यांचा एकुलता एक मुलगा आहे. १९९८ साली या दोघांनी लग्न केलं आणि तब्बल १८ वर्षाच्या संसारानंतर अरबाज आणि मलायकाने घटस्फोट घेतला. अरबाजच्या आगामी चित्रपटासाठी काम करायची इच्छा अरहानने दर्शवून दिली असल्याचं अरबाजने सांगितलं आहे. तसेच याआधीसुद्धा अरहानने सहाय्यक म्हणून काम केल्याचंही अरबाजने स्पष्ट केलं आहे.

आणखी वाचा

आणखी वाचा : तीन अफेअर, दोन लग्नं करूनही ६८ वर्षांचे कमल हासन आजही सिंगल; जाणून घ्या त्यांच्या लव्हलाईफबद्दल

याविषयी बोलताना अरबाज म्हणाला, “माझा मुलगा सध्या ‘लॉन्ग आयलंड फिल्म स्कूल’ येथे शिक्षण घेत आहे. त्याला हे काम प्रचंड आवडत आहे. तो स्वतःच्या पायावर उभं राहायला शिकत आहे, स्वतःचे मित्र बनवत आहे, तो तिथे बरंच काही शिकतोय आणि एक पालक म्हणून मला त्याचा अभिमान आहे.” शिवाय अरहानने दिग्दर्शक करण जोहरबरोबर सहाय्यक दिग्दर्शक म्हणून आगामी चित्रपटात काम केलं आहे असंही अरबाजने स्पष्ट केलं.

करणच्या ‘रॉकी और रानीकी प्रेम कहानी’ या चित्रपटासाठी अरहान आणि सैफ अली खानचा मुलगा इब्राहिम अली खान यांनी सहाय्यक म्हणून काम केल्याचं समोर येत आहे. आता येणाऱ्या काळात अरहान आणखी उत्तम फिल्ममेकिंगबद्दल शिकता यावं यासाठी तो अरबाज खानच्या आगामी चित्रपटातसुद्धा सहाय्यक दिग्दर्शक म्हणून काम करणार आहे. अरबाजचा हा चित्रपट पुढील वर्षी प्रदर्शित होईल अशी शक्यता वर्तवण्यात येत आहे.