बॉलिवूडमधील नेपोटीजमबद्दल बरीच चर्चा सोशल मीडियावर होत असते. गेली काही वर्षं याबद्दल बरंच काही बोललं आणि लिहिलं गेलं आहे. अनेक स्टारकिड्सनी आतापर्यंत आई-वडिलांच्या पावलावर पाऊल टाकत मनोरंजनसृष्टीत पदार्पण केलं आहे. तर आताही काही आगामी चित्रपटातून लोकप्रिय स्टारकिड्स मोठ्या पडद्यावर झळकणार आहेत. या स्टारकिड्सना चित्रपट देणारं महत्वाचं नाव म्हणजे करण जोहर. परंतु शाहरुख खानच्या लेकाने करणला मोठा धक्का दिला आहे.
निर्माता- दिग्दर्शक करण जोहर याने आतापर्यंत अनेक स्टारकिड्सना लॉंच केलं आहे. करण त्याच्या धर्मा प्रोडक्शन्सच्या मध्यमातून अनेक स्टारकिड्सना संधी दिली आहे. आगामी काळातही तो काही स्टार्सच्या मुलांना चित्रपटात प्रमुख भूमिका देणार आहे.
आणखी वाचा : Shraddha Murder Case : “आफताबला फाशीच झाली पाहिजे, कारण…”; FIR फेम अभिनेत्रीने व्यक्त केला संताप
शाहरुख खानचा मुलगा आर्यन खानला त्याच्या चित्रपटातून लॉंच करायचा दिग्दर्शक करण जोहरचा विचार होता. करणने आर्यनला एका चित्रपटासाठी ऑफरही दिली होती. परंतु आर्यनने करणच्या त्या ऑफरला नकार दिला. सुरुवातीला करणला वाटले की, आर्यन आत्ता ऑफर नाकारत आहे पण नंतर तो होकार देईल. त्यामुळे करणने अनेकदा आर्यनला या चित्रपटाबद्दल विचारले. परंतु प्रत्येकवेळी आर्यनने करणची ऑफर धुडकावून लावली.
हेही वाचा : बालदिनाच्या दिवशी करण जोहर घेऊन आला लोकप्रिय ‘डिस्को दिवाने’ गाण्याचं नवीन व्हर्जन, व्हिडीओ व्हायरल
फक्त करण जोहरच नाही तर झोया अख्तरनेही आर्यनला एक ऑफर देऊ केली होती. मात्र आर्यनने त्या ऑफरलाही नकार दिला. शाहरुख खानच्या मुलाला अभिनय नाही तर दिग्दर्शनात करिअर करायचं आहे. आर्यनला ऑन स्क्रीन अभिनय करण्यात काहीही रस नाही, हे आता त्याने सिद्ध केलं आहे. आर्यन खानकडून सारखा मिळणार नकार बघून करण जोहरनेही आर्यनला चित्रपटाबद्दल विचारणं बंद केलं आहे. त्यामुळे शाहरुखनंतर आता त्याची मुलगी सुहानाच अभिनय क्षेत्रात पाऊल टाकणारी ठरेल.
