भारताचा स्टार क्रिकेटर के.एल.राहुल व बॉलिवूड अभिनेता सुनील शेट्टीची लेक अथिया शेट्टी लवकरच लग्नबंधनात अडकणार आहेत. २३ जानेवारीला ते विवाहबद्ध होणार असल्याची माहिती आहे.
अथिया शेट्टी व राहुल ग्रॅण्ड वेडिंग न करता अगदी साध्या पद्धतीने लग्नगाठ बांधणार आहेत. काही दिवसांपूर्वीच अथिया व राहुल यांच्या वेडिंग डेस्टिनेशनबाबत माहिती समोर आली होती. ‘ईटाम्स’ने दिलेल्या वृत्तानुसार सुनील शेट्टीच्या खंडाळ्यामधील फार्म हाऊसमध्ये त्यांचा शाही विवाहसोहळा पार पडणार आहे.
हेही वाचा>> “बाप झालो…”, ‘पिंकीचा विजय असो’ फेम अभिनेत्याने दिली गुडन्यूज
आता अथिया व राहुलच्या लग्नाची गेस्ट लिस्ट समोर आली आहे. क्रिकेट व बॉलिवूड विश्वातील सेलिब्रिटी अथिया-राहुलच्या विवाहसोहळ्याला हजेरी लावणार आहेत. त्यांच्या लग्नाचे आमंत्रण सलमान खान, जॉकी श्रॉफ, विराट कोहली व महेंद्रसिंह धोनी यांना पोहोचलं असल्याची माहिती आहे.
हेही वाचा>> Video: ‘Just Married’, लग्नानंतर राखी सावंतच्या रिसेप्शनचा व्हिडीओ समोर
इंडिया टुडेने दिलेल्या वृत्तानुसार, अथिया व राहुलच्या लग्नाचे विधी, मेहेंदी, संगीत व इतर कार्यक्रम २१ जानेवारीपासून सुरू होणार आहेत. २१-२२ जानेवारीला हळदी, मेहेंदी व संगीत समारंभ होणार आहे. अथिया व राहुलच्या लग्नाची चाहते आतुरतेने वाट पाहत आहेत.
