‘लाल सिंग चड्ढा’च्या अपयशाबाबत अतुल कुलकर्णी यांची रोखठोक प्रतिक्रिया, म्हणाले, “प्रेक्षकांनी काय बघावे हे इतर…”

हेही वाचा : “मला मुलगी झाली तर…” बाळाच्या प्लॅनिंगबाबत राजकुमारचा खुलासा; अभिनेत्याचे उत्तर ऐकून शहनाझ झाली खूश

‘लाल सिंग चड्ढा’ला बॉक्स ऑफिसवर आलेल्या अपयशाबाबत अतुल कुलकर्णी यांना विचारले असता, त्यांनी आपली रोखठोक प्रतिक्रिया दिली आहे. ते म्हणाले, मी गेली अनेक वर्षे इंडस्ट्रीत आहे आणि अशा गोष्टींचा अनुभवही घेतला आहे. जेव्हा तुम्ही एखाद्या नव्या प्रोजेक्टवर काम करता, तेव्हा तुम्हाला वाटते लोकांना हे आवडेल; परंतु दरवेळी तसे घडतेच असे नाही. बॉयकॉट ट्रेंडबद्दल विचारले असता अतुल कुलकर्णी म्हणाले, “प्रेक्षकांना पूर्ण अधिकार आहे काय पाहावे, काय पाहू नये… मग तो चित्रपट असो किंवा एखादे चित्र… प्रेक्षकांनी काय बघावे हे इतर कोणीही ठरवू नये.”

हेही वाचा : “हा शेवटचा चित्रपट…” ‘द केरला स्टोरी’ फेम अदा शर्माचे वक्तव्य, म्हणाली “पुन्हा संधी मिळेल की नाही…”

दरम्यान, लवकरच अतुल कुलकर्णींच्या लोकप्रिय वेब सीरिजचा पुढील भाग प्रेक्षकांच्या भेटीला येणार आहे. लोकप्रिय ‘सिटी ऑफ ड्रीम्स’ या वेब सीरिजचा तिसरा भाग २६ मे रोजी प्रदर्शित होणार आहे. याविषयी सांगताना ते म्हणाले, “तुम्ही तुमच्या वैयक्तिक जीवनात जे काही करता त्याचे मूळ हे राजकारण असते. त्यामुळे कोणीही राजकारणाकडे दुर्लक्ष करू शकत नाही.” ही वेब सीरिज राजकारणावर आधारित आहे.

‘सिटी ऑफ ड्रीम्स’च्या तिसऱ्या सीझनमध्ये अतुल कुलकर्णींबरोबर प्रिया बापट, सचिन पिळगावकर, एजाज खान, रणविजय सिंग यांच्या प्रमुख भूमिका आहेत.