प्रसिद्ध उद्योजिका नीता अंबानी यांच्या ‘नीता मुकेश अंबानी कल्चरल सेन्टर गाला’चं नुकतंच उद्घाटन करण्यात आलं. अंबानींच्या या कल्चरल सेन्टरच्या या उद्घाटन सोहळ्याला बॉलिवूडमधील अनेक सेलिब्रिटींनी हजेरी लावली होती. भूमी पेडणेकर ही या सोहळ्याला उपस्थित होती.
भूमीने या खास सोहळ्यासाठी हटके ड्रेस परिधान केला होता. राखाडी रंगाच्या डिझायनर ड्रेसमध्ये भूमी दिसून आली. ऑफ शोल्डर ड्रेसवर भूमीने ग्लॅमरस लूक केला होता. केस मोकळे सोडत तिने खड्यांची ज्वेलरी घातली होती. इन्संट बॉलिवूड या इन्स्टाग्राम पेजवरुन भूमीचा व्हिडीओ शेअर करण्यात आाला आहे. या व्हिडीओमध्ये भूमी पापाराझींना पोझ देताना दिसत आहे.
भूमीचा हा व्हिडीओ सोशल मीडियावर व्हायरल झाला आहे. परंतु, तिचा हा हटके ड्रेसमधील लूक नेटकऱ्यांच्या पसंतीस उतरलेला नाही. या व्हिडीओवर कमेंट करत नेटकऱ्यांनी भूमीला ट्रोल केलं आहे. “हॉलिवूड सेलिब्रिटी चांगले कपडे घालून आले आहेत आणि बॉलिवूडकर इज्जत घालवत आहेत”, असं एकाने म्हटलं आहे. काही नेटकऱ्यांना भूमी पेडणेकर या ड्रेसमध्ये कशी बसणार? असा प्रश्न पडला आहे.
“याला म्हणतात कोंबडी अडकली टोपलीमध्ये” अशी कमेंट एकाने केली आहे.
“उर्फीचं प्रो मॅक्स व्हर्जन..” असंही एकाने म्हटलं आहे.
“फॅशनच्या नावाखाली काहीही करतात” अशी कमेंटही एकाने केली आहे.
भूमी पेडणेकर बॉलिवूडमधील आघाडीच्या अभिनेत्रींपैकी एक आहे. भूमीने अनेक चित्रपटांत काम करुन अभिनयाचा ठसा उमटवला आहे.
