बॉलीवूडमध्ये असे अनेक कलाकार आहेत जे आपले स्टारडम सोडून सर्वसामन्य नागरिकांमध्ये सहज मिसळतात. अनेकदा कलाकार आपल्या आलिशान गाड्यांपेक्षा बस, रिक्षा मेट्रोने प्रवास करताना दिसतात. अनेकदा त्यांचे हे व्हिडीओ सोशल मीडियावर व्हायरलही होत असतात. असाच एका अभिनेत्याचा व्हिडीओ सध्या सोशल मीडियावर व्हायरल होत आहे.
या व्हिडीओमध्ये बॉलीवूडचा एक टॉप अभिनेता मुंबई मेट्रोतून प्रवास करताना दिसत आहे. एवढंच नाही तर ते प्रवासादरम्यान तोंडाला मास्क व डोक्यावर टोपी घातली आहे. त्याच्या आजूबाजूला अनेक लोक उभे असल्याचे दिसून येत आहे. मात्र, अभिनेत्याने तोंड झाकल्यामुळे त्याला कोणीच ओळखू शकले नाही. हा अभिनेता दुसरा-तिसरा कुणी नसून अक्षय कुमार आहे.
अक्षय कुमार ‘हा’ बॉलीवूडमधील प्रसिद्ध अभिनेत्यापैकी एक आहे. आत्तापर्यंत अक्षयने अनेक सुपरहिट चित्रपटांमध्ये काम केले आहे. अभिनयाच्या जोरावर अक्षयने प्रेक्षकांच्या मनात वेगळे स्थान निर्माण केले आहे. चित्रपटाबरोबर अक्षय कुमार त्याच्या साधेपणामुळेही ओळखला जातो. दरम्यान मेट्रो प्रवासादरम्यानचा अक्षयचा हा व्हिडीओ सोशल मीडियावर मोठ्या प्रमाणात व्हायरल होत आहे. अनेक चाहत्यांनी या व्हिडीओवर कमेंट केली आहे.
हेही वाचा- Video : इमरान हाश्मीने खरेदी केली महागडी रोल्स रॉयस कार; नेटकरी म्हणाले, “तुझ्या कमाईचा…”
अक्षय कुमारच्या कामाबद्दल बोलायचे झाल्यास काही महिन्यांपूर्वी त्याचा ‘ओ माय गॉड २’ चित्रपट प्रदर्शित झाला. बॉक्स ऑफिसवर हा चित्रपट फ्लॉप ठरला होता. लवकरच तो रोहित शेट्टीच्या ‘सिंघम अगेन’ चित्रपटातून प्रेक्षकांच्या भेटीला येणार आहे. या व्यतरिक्त तो ‘बडे मिया छोटे मिया’, ‘वेलकम ३’ सारख्या चित्रपटातही झळकणार आहे.
