२० सिनेमे फ्लॉप, १३ वर्षे चित्रपटांपासून दूर; बॉलीवूड अभिनेता तरीही कमावतो बक्कळ पैसे, करतो ‘हे’ काम

दीपक तिजोरी यांचे शिक्षण मुंबईत झाले. त्यांना अभिनयाची आवड होती म्हणून त्यांनी महाविद्यालयीन जीवनातच थिएटर करायला सुरुवात केली. या काळात त्यांनी खूप संघर्ष केला. चित्रपटात येण्यापूर्वी त्यांनी एका मॅजझीनमध्ये एक्झिक्युटिव्ह आणि मुंबईतील ‘सी रॉक’ हॉटेलमध्ये मॅनेजर म्हणूनही काम केलं. त्यांनी १९८८ मध्ये आलेल्या ‘तेरा नाम मेरा नाम’ या सिनेमातून करिअरला सुरुवात केली. मात्र, महेश भट्ट यांच्या ‘आशिकी’ चित्रपटातून या त्यांना नाव आणि प्रसिद्धी दोन्ही मिळाले. यानंतर त्यांनी ‘दिल है की मानता नहीं’, ‘सडक’, ‘खिलाडी’, ‘बेटा’, ‘जो जीता वही सिकंदर’, ‘बादशाह’ यांसारख्या सुपरहिट चित्रपटांमध्ये काम केले. आपल्या ३४ वर्षांच्या कारकिर्दीत दीपक तिजोरी १३ वर्षे चित्रपटांपासून दूर राहिले आणि २१ वर्षात २० पेक्षा जास्त फ्लॉप चित्रपट दिले.

छत्रपती शिवरायांच्या भूमिकेत दिसणार ‘हा’ लोकप्रिय अभिनेता; ‘वीर मुरारबाजी…पुरंदरकी युद्धगाथा’ची रिलीज डेट ठरली

दीपक तिजोरी यांनी इंडस्ट्रीत खूप नाव कमावले आहे. त्यांनी क्वचितच मुख्य भूमिका साकारल्या. त्यांना मिळालेल्या बहुतांशी भूमिका या हिरोच्या मित्राच्या किंवा भावाच्या होत्या. ते एकाच प्रकारच्या भूमिकेत अडकून राहिले. काही काळानंतर त्यांचे करिअर हळूहळू संपले.

अभिनयासाठी सोडली दुबईतील नोकरी, ८ वर्षे संघर्ष केल्यावर मिळाला शो; १६ वर्षांपासून मराठमोळा अभिनेता करतोय प्रेक्षकांचे मनोरंजन

प्रोडक्शन हाऊसमधून करतात कमाई

दीपक तिजोरी हे निर्माते आणि दिग्दर्शकही आहेत. त्यांचे तिजोरी फिल्म्स नावाचे प्रोडक्शन हाऊस आहे. या बॅनरखाली त्यांनी अनेक चित्रपट आणि टीव्ही मालिकांची निर्मिती केली आहे. त्यांची एक मालिका ‘रिश्ते’ खूप हिट झाली. तिजोरी यांनी ‘उप्स’, ‘फरेब’ आणि ‘खामोश: खौफ की रात’ सारखे चित्रपटही दिग्दर्शित केले, पण ते फ्लॉप ठरले.

फक्त आठ कोटी बजेट असलेल्या ‘या’ बॉलीवूड सिनेमाने कमावले १०४ कोटी; पटकावले तीन राष्ट्रीय चित्रपट पुरस्कार, अमिताभ बच्चन…

दीपक तिजोरी यांची नेट वर्थ

दीपक तिजोरी यांचे मुंबईत कोट्यवधींचे घर आहे आणि तसेच त्यांच्याकडे अनेक मालमत्ता आहेत, ज्याची किंमत सुमारे ३६ कोटी २० लाख रुपये आहे. २०२० मध्ये त्यांची एकूण संपत्ती ५८ कोटी ७४ लाख रुपये होती, जी आता ८० कोटींहून अधिक झाली आहे.