बॉलीवूड अभिनेता हृतिक रोशनने आतापर्यंत क्रिश, वॉर यांसारख्या अ‍ॅक्शन चित्रपटांमध्ये काम करून चाहत्यांचे मन जिंकले आहे. सध्या अभिनेता त्याच्या आगामी ‘फायटर’चित्रपटामुळे चर्चेत आहे. ‘फायटर’चित्रपट सुद्धा अ‍ॅक्शनवर आधारित असणार आहे. हृतिकचे चाहते गेल्या काही दिवसांपासून या चित्रपटाची आतुरतेने वाट पाहत आहेत. चित्रपटात हृतिक जबरदस्त अ‍ॅक्शन करताना दिसणार आहे. हेही वाचा : “माय हँडसम…”, बॉयफ्रेंड अर्जुन कपूरच्या वाढदिवसानिमित्त मलायका अरोराने शेअर केलेली रोमॅंटिक पोस्ट चर्चेत प्रेक्षकांची प्रतीक्षा आता संपली असून हृतिकने ‘फायटर’ चित्रपटाची पहिली झलक आणि रिलीज डेट इन्स्टाग्रामवर शेअर केली आहे. या फोटोमध्ये हृतिकने एअरफोर्स फायटरचा गणवेश परिधान केलेला दिसत आहे. तसेच या फोटोमध्ये हृतिक फायटर प्लेनला हात लावून उभे राहिल्याचे दिसत आहे. हेही वाचा : सुप्रसिद्ध मराठी अभिनेत्री कोकणात जाऊन घडवतेय मडकी, ‘तो’ फोटो शेअर करीत म्हणाली “कळलंय आयुष्य मला…” हृतिक रोशनचा बहुचर्चित फायटर चित्रपट २५ जानेवारी २०२४ रोजी चित्रपटगृहांमध्ये प्रदर्शित होणार आहे. म्हणजेच हृतिकच्या चाहत्यांना चित्रपटाची ७ महिने वाट पाहावी लागणार आहे. पुढच्या वर्षी प्रजासत्ताक दिनाच्या मुहूर्तावर प्रदर्शित होणारा 'फायटर' देशभक्तीपर चित्रपट असणार आहे. याचे दिग्दर्शन सिद्धार्थ आनंद यांनी केले असून यापूर्वी त्यांनी हृतिकच्या 'वॉर' चित्रपटाचे दिग्दर्शन केले होते. https://www.instagram.com/p/Ct8wuUmL3vC/?utm_source=ig_web_copy_link&igshid=MzRlODBiNWFlZA== हेही वाचा : अर्जुन कपूरच्या वाढदिवसाच्या पार्टीत मलायकाच्या डान्सची चर्चा; ‘तो’ व्हायरल व्हिडीओ पाहून नेटकरी म्हणाले “तुझा मुलगा…” मीडिया रिपोर्ट्सने दिलेल्या माहितीनुसार 'फायटर' चित्रपटाचे बजेट जवळपास २५० कोटी आहे. यामध्ये अभिनेता हृतिक रोशन आणि अभिनेत्री दीपिका पदुकोण मुख्य भूमिका साकारणार आहे. याशिवाय चित्रपटात अनिल कपूर, करण सिंग ग्रोवर आणि तलत अजीज यांच्याही महत्त्वाच्या भूमिका आहेत.
