अजय देवगणचा बहुप्रतिक्षीत ‘भोला’ चित्रपट ३० मार्च रोजी प्रदर्शित झाला. ‘दृश्यम २ ‘च्या यशानंतर पुन्हा एकदा अजयच्या या चित्रपटाकडे प्रेक्षकांचे लक्ष लागले होते. ‘भोला’ चित्रपट हा दाक्षिणात्य चित्रपटाचा रिमेक आहे. चित्रपटाने पहिल्या दिवशी १० कोटींपेक्षा जास्त कमाई केली होती. चित्रपट प्रदर्शित होऊन ५ दिवस उलटले असून चित्रपटाने नुकताच ५० कोटींचा आकडा पार केला आहे. दरम्यान, भोलाच्या बॉक्सऑफिस कलेक्शनची खिल्ली उडवताना केआरकेने अजय देवगणची खिल्ली उडवली आहे. हेही वाचा- “भारतात राहणे म्हणजे..” स्वरा भास्करच्या ‘त्या’ ट्वीटवर नेटकरी भडकले; म्हणाले, “पाकिस्तानात…” कमाल रशीद खान यांनी ट्विट करून लिहिले की, 'माझ्या सूत्रांनुसार, भोलाच्या अपयशानंतर अजय देवगण डिप्रेशनमध्ये गेला आहे आणि त्याने त्याचा फोन बंद ठेवला आहे. अजयला एका आठवड्यात १०० कोटी रुपयांच्या व्यवसायाची अपेक्षा होती, ती झाली नाही. इतर प्रत्येक अभिनेत्याच्या यशावर अजय जळतो आणि हे बॉलीवूडच्या लोकांना चांगलेच ठाऊक आहे. हेही वाचा- “मी फक्त…”; बॉलिवूडमधील राजकारणाबद्दल केलेल्या ‘त्या’ वक्तव्याबाबत प्रियांका चोप्राने दिलं स्पष्टीकरण युजर्सची प्रतिक्रिया केआरकेच्या ट्विटवर सोशल मीडिया यूजर्स आपल्या प्रतिक्रिया देत आहेत. अमित नावाच्या युजरने लिहिले की, 'आता काय करायचे साहेब, अच्छे दिन आलेच नाहीत, तर ट्रकवाले काय करणार? अजयला तुमच्यासारखा कोणावरही जळत नाही. तूच अजय देवगणवर जळतो. १०१ टक्के खात्री आहे की भोला १०० कोटी क्लबमध्ये प्रवेश करेल आणि सुपरहिट होईल. रौनक नावाच्या युजरने लिहिले की, 'हा कपिलच्या शो मधील प्रमोशनचा परिणाम आहे'. हेही वाचा- “यार गौरी तू…”; पत्नीने शेअर केलेल्या फॅमिली फोटोवर शाहरुख खानची मजेशीर कमेंट चित्रपटाची कमाई अजयच्या भोला चित्रपटाने प्रदर्शनाच्या पहिल्याच दिवशी ११.२० कोटींची कमाई केली. तर शुक्रवारी म्हणजेच दुसऱ्या दिवशी ७.४० कोटींची कमाई केली होती. शनिवार व रविवार या वीकेंडच्या दिवसात मात्र चित्रपटाच्या कमाईत पुन्हा वाढ दिसून आली. तिसऱ्या दिवशी चित्रपटाने १२ कोटी तर चौथ्या दिवशी चित्रपटाने १४ कोटी रुपयांची कमाई केली. सोमवारीही या चित्रपटाने चांगली कमाई केली आहे.
