नितेश तिवारी दिग्दर्शित ‘रामायण’ चित्रपटामुळे अभिनेता रणबीर कपूर सध्या खूप चर्चेत आहे. या चित्रपटात रणबीर प्रभू श्रीरामाच्या भूमिकेत झळकणार आहे. तर अभिनेत्री साई पल्लवी सीतेच्या भूमिकेत पाहायला मिळणार आहे. नुकताच ‘रामायण’ चित्रपटाच्या सेटवरील दोघांचा फोटो व्हायरल झाला होता. या फोटोमध्ये रणबीर प्रभू श्रीरामाच्या भूमिकेत तर साई सीतेच्या भूमिकेत पाहायला मिळाले होते. अशातच रणबीरचा एक व्हिडीओ सध्या तुफान व्हायरल होतं आहे; ज्यामध्ये रणबीर भडकल्याचं दिसत आहे.
‘रामायण’ चित्रपटाच्या चित्रीकरणातून ब्रेक घेऊन रणबीर काल, शनिवारी एका कार्यक्रमात उपस्थित राहिला होता. गुजरातच्या सूरत येथे एका दागिण्यांच्या दुकानाचं उद्घाटन करण्यासाठी रणबीर पोहोचला होता. यावेळी पापाराझीची एक कृती पाहून अभिनेता नाराज झाला.
हेही वाचा- अविनाश नारकरांची ‘ही’ लोकप्रिय मालिका होणार बंद, गेले अडीच वर्ष प्रेक्षकांचं करत होती मनोरंजन
रणबीरचा हा व्हिडीओ ‘इंस्टंट बॉलीवूड’ इन्स्टाग्राम पेजवर शेअर करण्यात आला आहे. या व्हिडीओत, रणबीर निवेदन करणाऱ्या महिलेशी बोलतो आणि निघतो. तितक्यात एक पापाराझी शिवी देतो. पापाराझीची ही शिवी ऐकून रणबीर भडकतो आणि म्हणतो, “ऐ हे काय होतंय?”
अभिनेत्याचा हा व्हिडीओ पाहून नेटकरी देखील संतापले आहेत. एका नेटकऱ्याने लिहिलं आहे, “ही कोणत्या पद्धतीची भाषा आहे. रणबीरलाही ऐकून धक्का बसला.” तर दुसऱ्या नेटकऱ्याने लिहिलं आहे, “नशीब रणबीरच्या जागी सलमान खान नव्हता.” तसेच तिसऱ्या नेटकऱ्याने लिहिलं आहे, “पापाराझी दिवसेंदिवस वाईट होतं चालले आहेत. त्यांना आक्षेपार्ह भाषा वापरल्याबद्दल शिक्षा व्हायला हवी.” चौथ्या नेटकऱ्याने लिहिलं, “ही वेळ आहे. पापाराझींसाठी कठोर नियम हवेत. कॅमेरा हातात आला की पापाराझी होता येत नाही. एक शिस्त पाहिजे.”
दरम्यान, रणबीरच्या कामाबद्दल बोलायचं झालं, तर ‘रामायण’ चित्रपटाच्या व्यतिरिक्त अभिनेता संदीप रेड्डी वांगाच्या ‘अ‍ॅनिमल’चा सीक्वल ‘अ‍ॅनिमल’ पार्कमध्ये झळकणार आहे. या चित्रपटात रणबीर दुहेरी भूमिकेत दिसणार आहे. अबरारचा छोटा भाऊ अजीज आणि रणविजयच्या भूमिकेत अभिनेता पाहायला मिळणार आहे.
