बॉलीवूडचा भाईजान सध्या त्याच्या ‘टायगर ३’ चित्रपटामुळे चर्चेत आहे. पहिल्या आठवड्यात या चित्रपटाने बॉक्स ऑफिसवर चांगली कमाई केली. पण आता दुसऱ्या आठवड्यात चित्रपटाच्या कमाईत मोठी घट होताना दिसत आहे. अशातच सलमान खानचा एक व्हिडीओ सोशल मीडियावर तुफान व्हायरल झाला आहे. ज्यामध्ये तो एका महिलेला किस करताना दिसत आहे.
नुकताच सलमान खान इंटरनॅशनल फिल्म फेस्टिव्हल ऑफ इंडियामध्ये (IFFI 2023) सहभागी झाला होता. यावेळी सलमानला पाहताच लोकांची मोठी गर्दी झाली होती. अभिनेता या फेस्टिव्हलमध्ये भाची अलिजेह अग्निहोत्रीसाठी पोहोचला होता. अलिजेह ‘फर्रे’ या चित्रपटातून बॉलीवूडमध्ये पदार्पण करत आहे. हा चित्रपट प्रदर्शित होण्यापूर्वी IFFI 2023साठी निवडण्यात आला होता. त्यामुळे सलमान आपल्या भाचीला प्रोत्साहन देण्यासाठी या फेस्टिव्हलमध्ये उपस्थित राहिला होता. यादरम्यानचा सलमानचा एका महिलेला किस करतानाचा व्हिडीओ समोर आला आहे.
‘इन्स्टंट बॉलीवूड’ या एंटरटेनमेंट इन्स्टाग्राम पेजवर सलमान खानचा हा व्हायरल व्हिडीओ शेअर करण्यात आला आहे. या व्हिडीओमध्ये सलमान गर्दीतून एका महिलेकडे जातो आणि हसत-हसत तिच्या कपाळावर किस करता दिसत आहे.
ती महिला कोण आहे?
अभिनेता सलमान खान ज्या महिलेला कपाळावर किस करताना दिसत आहे, त्या एक वरिष्ठ पत्रकार आहेत. सलमान आणि त्यांचे मैत्रीपूर्ण संबंध आहेत.
