Video: भीषण कार अपघातानंतर पहिल्यांदाच गायत्री जोशी आली समोर; पतीसह एका कार्यक्रमात झाली होती सहभागी

हेही वाचा – ‘या’ लोकप्रिय बॉलिवूड अभिनेत्याच्या पत्नीच्या भूमिकेत झळकणार स्पृहा जोशी, चित्रपटाचा ट्रेलर प्रदर्शित

नुकतंच मुंबईतील वांद्रे कुर्ला कॉम्प्लेक्समधील ‘जिओ वर्ल्ड प्लाझा’चा लाँचिंग सोहळा पार पडला. या सोहळ्याला बॉलीवूड कलाकारांसह अनेक मान्यवर उपस्थित राहिली होते. याचवेळी अभिनेत्री गायत्री जोशी पती विकास ओबेरॉयसह पाहायला मिळाली. गायत्रीने स्टायलिश रफल्ड स्लीव्हजसह एक सुंदर पिवळा गाऊन परिधान केला होता. तर पती निळ्या रंगाच्या शार्प सूटमध्ये दिसला. सध्या दोघांचे फोटो व व्हिडीओ सोशल मीडियावर चांगलेच व्हायरल होतं आहेत.

हेही वाचा – दाक्षिणात्य सुपरस्टार वरुण तेज आज अडकणार लग्नाच्या बेडीत; हळदी समारंभाचे फोटो आले समोर

दरम्यान, भीषण कार अपघातानंतर गायत्रीने स्वतः ‘द फ्री प्रेस जर्नल’ला सांगितलं होतं की, “विकास व मी इटलीमध्ये आहे. आम्ही भीषण अपघाताचा शिकार झालो होतो. ईश्वराच्या कृपेने आम्ही दोघं सुखरुप आहोत.”

हेही वाचा – Video: “१८व्या वर्षी आली मुंबईत, जेवायला नव्हते पैसे अन् मग…”; अंकिता लोखंडेने सांगितला मुनव्वरला संघर्षाचा काळ

गायत्रीच्या कामाबद्दल बोलायचं झालं तर, ती एक व्हिडीओ जॉकी आणि मॉडेल आहे. २००० साली फेमिना मिस इंडिया इंटरनॅशनलचा खिताब जिंकल्यानंतर तिच्या करिअरला सुरुवात झाली होती. त्यानंतर २००४ साली ती ‘स्वदेस’ चित्रपटात झळकली. शाहरुख खानबरोबर ती महत्त्वाच्या भूमिकेत पाहायला मिळाली होती. मग २००५ साली गायत्रीने व्यावसायिक विकास ओबेरॉयशी लग्न केलं आणि तेव्हापासून ती अभिनय क्षेत्रापासून दूर आहे.