बॉलिवूड अभिनेत्री काजोल दरवर्षी नवरात्रीत दुर्गापूजेत सहभागी होते. यंदाही तिने तिच्या कुटुंबासह दुर्गापूजेला हजेरी लावली. यावेळीचे तिचे अनेक व्हिडीओ आणि फोटो सोशल मीडियावर व्हायरल होत आहेत. या कार्यक्रमादरम्यान काजोलच्या एका व्हिडीओने सर्वांचेच लक्ष वेधून घेतले आहे.
सध्या सर्वत्र नवरात्री उत्सवाची धामधूम पाहायला मिळत आहे. मोठ्या थाटामाटात नवरात्रौत्सव साजरा केला जात आहे. सर्वसामान्यांपासून ते अगदी मोठमोठ्या कलाकारांपर्यंत सर्वजण देवीच्या भक्तीमध्ये तल्लीन झाल्याचे दिसत आहेत. विविध बॉलिवूड कलाकरही विविध मंडळात जाऊन देवीचे आशीर्वाद घेताना दिसत आहेत.
आणखी वाचा : “…तर त्यांनी मला नक्कीच बसवलं असतं”, अशोक सराफ यांना सुनावणाऱ्यांवर भडकले भाऊ कदम, म्हणाले “कृपया…”
नुकतंच एका दुर्गापुजेवेळी काजोल तिचा मुलगा युगसह सहभागी झाली होती. यावेळी एक व्हिडीओ सोशल मीडियावर व्हायरल होत आहे. या व्हिडीओत काजोल ही मोबाईलमध्ये बघत बघत चालताना दिसत आहे. मात्र चालता चालता समोर दुर्लक्ष झाल्याने काजोलचा तोल जातो आणि ती खाली पडते.
पण सुदैवाने तिथे इतर लोक असल्याने ते तिला सावरतात. यावेळी तिचा मोबाईल खाली पडतो. पण आजूबाजूला इतर लोक असल्याने तिला दुखापत होत नाही. यानंतर तिचा मुलगा युग तिची विचारपूस करताना दिसत आहे. तिचा हा व्हिडीओ सोशल मीडियावर व्हायरल होत आहे.
काजोलच्या या व्हिडीओवर नेटकरी कमेंट करताना दिसत आहेत. “ही नेहमीच पडत असते”, अशी कमेंट एकाने केली आहे. तर एकाने “स्टाईल मारत राहिलात तर असंच होतं”, असे म्हटले आहे. तर एकाने “मोबाईल पाहणं इतकं गरजेचे आहे का”, असा प्रश्न विचारला आहे.