बॉलीवूड कलाकार हे त्यांच्या कामाबरोबरच त्यांच्या लाइफस्टाईलमुळे नेहमीच लक्ष वेधून घेत असतात. त्यांचे ब्रँडेड कपडे, महागड्या गाड्या, आलिशान घरं यांची नेहमीच चर्चा रंगते. यापैकीच एक अभिनेत्री म्हणजे काजोल. अजय देवगण आणि काजोल वरचेवर प्रॉपर्टी खरेदी करत असतात. तर आता काजोलने मुंबईमध्ये तिच्या ऑफिससाठी जागा घेतली आहे.
काजोल ही कोट्यावधींची मालकीण आहे. अनेक ठिकाणी तिची घरं आहेत. काही दिवसांपूर्वीच तिने बारा कोटींची दोन घरं खरेदी केली होती. तर तिचा नवरा अजय देवगणनेही नुकतीच एक काही कोटी किंमत असलेली प्रॉपर्टी खरेदी केली. त्यापाठोपाठ आता काजोलने मुंबईमध्ये तिच्या नवीन ऑफिससाठी नवीन जागा खरेदी होती आहे. त्याची किंमत आता समोर आली आहे.
हेही वाचा : “…तर आज ही वेळ आली नसती,” रात्री केलेल्या एका कृतीमुळे काजोल झाली ट्रोल
रिपोर्ट्सनुसार, काजोलने ओशिवराच्या ‘सिग्नेचर’ बिल्डिंगमध्ये तिच्या नवीन ऑफिससाठी जागा घेतली आहे. याची किंमत ७.६० कोटी आहे. काजोलचं ऑफिस असलेली ही बिल्डिंग ‘Lotus Grandeur’च्या अगदी बाजूला आहे. ‘Lotus Grandeur’मध्ये साजिद नाडियादवाला यांच्या रिलायन्स एंटरटेनमेंट, अंबुदतिया एंटरटेनमेंट आणि बनजय एशियासह सर्व टॉप प्रॉडक्शन कंपन्या आहेत. तर आता काजोलने ऑफिससाठी घेतलेल्या या जागेची किंमत समोर आल्यावर अनेकांचे डोळे पांढरे झाले आहेत.
